A Coruña saúde

• A cara oculta da lata: bebidas enerxéticas e alcohol 2026-27

  Fomento das habilidades persoais e sociais necesarias para adoptar decisións informadas e críticas fronte o consumo de alcohol e bebidas enerxéticas, promovendo un modelo de lecer saudable e consciente.

• A máscara das drogas 2026-27

  Taller que ten por obxecto promover unha reflexión e actitude crítica que contribúa á toma de decisións saudables respecto ao consumo de substancias en xeral e do consumo de alcohol e cannabis en particular.

• A mellor estratexia de xogo 2026-27

  Taller que ten como obxectivo previr no alumnado o uso inadecuado dos videoxogos e a toma de conciencia sobre as vantaxes e inconvenientes, así como o establecemento de estratexias sobre o seu uso.

• A Rede e as súas redes. Prevención de riscos asociados ao uso de Internet 2026-27

  Este taller ten como obxectivo promover a toma de conciencia por parte dos participantes dos riscos asociados ao uso de Internet, así como facilitar habilidades para moverse neste novo "hábitat" con seguridade.

• As artes ao servizo da diversidade educativa

  Xornada formativa, organizada pola Fundación EMALCSA e o Servizo Municipal de Educación, destinada ao profesorado dos centros de ensino da Coruña interesado en adquirir técnicas e coñecementos para traballar co alumnado de necesidades educativas especiais desde as artes.

• Atrápate o molde? Promoción do pensamento crítico e prevención da manipulación mediática 2026-27

  Taller que promove o pensamento crítico, a influencia das ideas preconcibidas nas condutas e a comprensión da manipulación mediática a través de Internet e outros medios.

• Axente titor 2026/27

  A sección de Axente Titor da Policía Local do Concello da Coruña pon en marcha, para o curso 2026/2027, dúas actividades dirixidas ao alumnado de 6.º de EP e de 1.º, 2.º, 3.º e 4.º da ESO, respectivamente.

  A primeira actividade, "Entre placas e pegadas", consiste nunha visista ás instalacións policiais cunha demostración práctica da unidade canina.

  A segunda actividade, dirixida ao alumnado de ESO, consiste en intervencións nos centros educativos orientadas á protección dos menores, a mellora da convivencia escolar e a prevención do consumo de substancias no ámbito educativo.

  Actividades relacionadas

  • Educación viaria coa Policía 2026-27

• Con-tacto con palabras: promoción da saúde mental no ámbito escolar 2026-27

  Ten como obxectivo promover o benestar emocional do alumnado a través da expresión das súas experiencias, pensamentos, sensacións... e a súa incorporación de forma saudable ao seu hábitat emocional (regularización de emocións, prevención de ansiedade...), como parte da prevención de riscos asociados ao comezo de condutas adictivas.

• Cortinas de fume: riscos do vapeo e o consumo de tabaco 2026-27

  Desenvolvemento de competencias persoais e sociais que favorezan actitudes preventivas fronte aos riscos do uso de vapeadores e o consumo de tabaco.

• Data Forum Escolar: Tribunal de convivencia 2026-27

  Data Forum Escolar: Tribunal de convivencia

• Enredos na rede 2026-27

  Taller que ten por obxecto favorecer decisións saudables no uso adecuado das redes e valorar a súa influencia nos comportamentos propios e alleos.

• Free Style People School: prevención do acoso escolar 2026-27

  Rimamos xunt@s pola convivencia, inclusión, respecto e diversidade.

  Freestyle People School é un programa piloto que busca promover a convivencia positiva, a educación emocional e a prevención das violencias dixitais e de xénero nos centros educativos empregando as ferramentas do freestyle rap, a improvisación e as artes urbanas.

• Fuga de cerebros: habilidades sociais fronte ás adiccións 2026-27

  Taller para fomentar no alumnado as habilidades de comunicación e as competencias para a toma de decisións autónomas e saudables, que actúan como factores de protección fronte ao comezo do consumo de substancias adictivas.

• Infiltrados/as na rede 2026-27

  Taller que ten por obxecto facilitar información obxectiva para promover a análise sobre a influencia das redes sociais no comportamento e fomentar o seu uso dunha forma adecuada e sen riscos.

• Iso xa non é unha broma: prevención de acoso escolar e ciberacoso 2026-27

  Taller que promove as habilidades persoais e o traballo cooperativo de quen participa, desde unha perspectiva de xénero, para unha convivencia saudable e para previr posibles situacións de ciberacoso e acoso escolar.

• O valor do “Non, eu paso!” 2026-27

  Taller que ten por obxecto fortalecer as habilidades e competencias para unha actitude crítica fronte ao consumo de substancias e a xestión de posibles situacións de risco.

• Prevención, abordaxe e xestión de conflitos 2026-27

  Taller que ten por obxecto promover no alumnado actitudes prosociais e saudables, que proporcionen as ferramentas adecuadas para unha abordaxe e xestión saudable e positiva dos conflitos en xeral e ante as situacións relacionadas co consumo de substancias adictivas e alcohol en particular.

• Taller de prevención no uso de Internet, redes sociais e xogos interactivos 2026-27

  Este taller ten como obxectivo a prevención do uso inadecuado de redes sociais e xogos interactivos, así como a súa derivación en condutas de risco asociadas (ludopatía).

• Videoxogos e o seu dominio 2026-27

  Taller que ten por obxecto promover a toma de decisións saudables no uso das redes sociais e os videoxogos, cunha metodoloxía baseada no uso de actividades TRICs.

resultados 19