O obxectivo desta actividade é tomar conciencia de que para xogar non hai que ter necesariamente un xoguete novo. Ter unha actitude positiva cara á creación de xogos e xoguetes. Aprender a construír xogos e xoguetes a base de materiais de refugallo. Descubrir que fabricar xoguetes pode ser un xogo entretido, divertido e útil. Estimular a imaxinación e creatividade dos nenos e das nenas. Poñer en práctica técnicas de reutilización e reciclaxe de materiais entre o estudantado.