Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir á túa axenda
  • Engadir ao meu móbil | 
  • Imprimir

Multa ou flor 2020-21

Actividade inspirada no libro de Francesco Tonucci La ciudad de los niños, que pretende que as nenas e os nenos de educación primaria participen de forma activa na mobilidade da Coruña para desenvolver e integrar condutas seguras con respecto ao tráfico e tomar conciencia da importancia do coidado do medio na nosa cidade.

Servizo municipal:

Policía Local

Tipo de actividade:

Complementaria

Localización do centro:

Só da Coruña

Obxecto:

  • Promover a seguridade viaria e a mobilidade sustentable mediante a participación e implicación do alumnado
  • Tomar conciencia da mobilidade na cidade da Coruña desde unha perspectiva crítica achegando solucións e premiando as boas condutas
  • Incentivar o coñecemento do seu ámbito inmediato, integrando neste a Policía Local como axente social próximo e colaborador
  • Aprender a camiñar con seguridade pola cidade entendendo a necesidade de respectar as normas como peóns e condutores de bicicletas
  • Estimular a súa iniciativa e canalizar o seu espírito crítico na participación cidadá

A quen vai dirixido?:

Alumnado de 5.º e 6.º de EP

Cando:

Dende o 15/10/2020 ata o 15/06/2021

Ver as condicións xerais do programa

Inscricións:

Dende o 15/09/2020 ata o 06/10/2020

Inscrición para os centros

Ficha de solicitude xeral

Ficha de solicitude específica "Programas educativos de educación viaria"

Horario:

De 9.00 a 14.00 h, en función das necesidades dos centros educativos

Esta actividade baséase na técnica psicopedagóxica de reforzo positivo e negativo, na procura dunha aprendizaxe significativa por descubrimento.

Neste tramo de idades as alumnas e alumnos comezan a adoptar máis autonomía como peoas e peóns e, polo tanto, maior conciencia da súa contorna, á vez que empezan a utilizar a bicicleta non só como elemento de xogo senón como vehículo. Aproveitando a súa gran curiosidade é importante guialas/os na súa interacción coa rúa, co tráfico, e aprender a participar como cidadás e cidadáns activos velando pola súa seguridade e, ao mesmo tempo, propoñendo desde unha postura crítica solucións para conseguir unha cidade cunha mobilidade amable e sustentable.

ACTIVIDADE:

A actividade consiste en dividir o alumnado en dous grupos. Un dos grupos terá un "boletín de denuncias simbólico", co que poderán denunciar todas aquelas accións que consideren inconvenientes e sancionables, mentres que o segundo grupo dispoñerá dunha flor feita na clase, que lle repartirá á cidadanía premiando as condutas cívicas e que promovan a mobilidade sustentable.

  • Charla de sensibilización no centro educativo sobre a movilidade segura e sustentable.
  • Percorrido polas proximidades dos Cantóns, dividindo o grupo, que irá vestido con chalecos policiais, en dous. Un deles terá que denunciar "simbolicamente" as accións que consideren inconvenientes (vehículos estacionados en pasos de peóns, tirar papeis á beirarrúa...), mentres o outro grupo premiará cunha flor as condutas percibidas como cívicas (usar o bus urbano, a bicicleta, camiñar cara ao traballo e a escola, respectar os semáforos...).
  • A continuación, os dous grupos terán que encher de forma conxunta un formulario no que sinalarán o número de denuncias postas e premios repartidos, así como a súa valoración sobre o resultado.
  • Finalmente, terán que entregar o formulario por rexistro nas dependencias municipais do propio concello e indicar ademais algunha suxestión para a mellora da mobilidade sustentable na nosa cidade.

Máis información:

Recursos persoais:

  • Profesorado que acompañe o alumnado

Tempo de duración das actividades:

  • 2 horas: 1 hora para a charla no centro e 1 hora para o percorrido

Documentos:

Multa ou flor (787 KB)

Contacto:

Coordinadora da actividade de Educación Viaria: Silvia Castro Rodríguez

Policía Local - Concello da Coruña. Tel.: 981 184 200 Ext.: 54006/08

Enderezo de correo electrónico: s.castro@coruna.es

Teléfono de asistencia técnica da web educativa municipal (981 902 327)

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión