Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Educación

Contos para emocionar (educación afectivo-sexual para peques)

Este programa educativo comprende unha serie de "contos dramatizados" e de actividades coas que se traballa a construción da sexualidade e os vínculos afectivos desde o respecto, a autoestima e a liberdade desde unha perspectiva de xénero.

Localización do centro:

Só da Coruña

Servizo municipal:

Igualdade e Diversidade

Tipo de actividade:

Complementaria

Titularidade do centro:

Público

A quen vai dirixido?:

Alumnado dos cursos de segundo e terceiro de segundo ciclo de Educación Infantil dos centros públicos da cidade da Coruña

Obxecto:

  • Estimular a aceptación e o respecto das diferenzas entre as persoas.
  • Facilitar que o grupo vaia descubrindo as diferentes identidades sexuais e que estas non están determinadas polos caracteres corporais, sexuais, psicolóxicos ou sociais, senón pola propia vivencia de sentirse nena ou neno.
  • Desenvolver a capacidade de identificar, ao seu nivel, as calidades dos vínculos afectivos que abarca o amor e a percepción subxectiva de sentirse queridas e queridos.
  • Facilitar que o grupo interiorice como saudables as diferentes orientacións sexuais e os diferentes tipos de convivencia: persoas que viven soas, en parella, en familia, en grupo...
  • Explorar a actitude do grupo cara aos roles de xénero e promover a súa flexibilidade mediante a experimentación e o xogo.
  • Previr os abusos sexuais na infancia.

A educación afectiva, emocional e sexual na infancia non adoita estar contemplada no currículo educativo a pesar de que é fundamental na formación das persoas ao influír positivamente na calidade de vida, na adquisición de hábitos básicos de saúde, no benestar, na vivencia do pracer sexual, na consecución da felicidade e en último termo, na loita contra a violencia machista.

Cómpre resaltar que ao realizar estas actividades en coordinación co centro escolar preténdese potenciar a sensibilización dos axentes educativos e a normalización dentro das aulas da educación afectiva, emocional e sexual.

Tamén se contempla unha sesión informativa para nais e pais onde se presentará o programa.

Condicións do programa

A duración de cada sesión será de 60 minutos e cada taller contará con 5 sesións que se distribuirán desta forma: unha cada quince días aproximadamente para que o profesorado teña tempo de poñer en práctica algunha das actividades propostas no caderno do profesorado. Os horarios e as datas acordaranse con cada centro educativo, dentro do seu horario lectivo.

A profesora ou profesor da aula terá que comprometerse a:

  • Facer unha convocatoria convidando as nais e os pais a unha sesión informativa na que se presentará o programa.
  • Dar continuidade a cada unha das sesións con algunha das actividades propostas no caderno do profesorado que se editará para tal fin (un mínimo de dúas actividades por sesión)
  • Entregar dúas avaliacións: unha dos contos dramatizados e outra do traballo realizado na aula.

Número de talleres ofertados

25 talleres

O número máximo será de 25 nenas e nenos para cada taller.

No caso de que a demanda supere a oferta de talleres convocados realizarase un sorteo. O sorteo consistirá na elección dunha letra do abecedario, ao azar, a partir da que se terá en conta a primeira letra do nome do respectivo centro escolar.

Asignaranse un máximo de dous talleres por centro escolar e só en caso de sobrar prazas asignaranse máis talleres aos centros que solicitasen para máis grupos, de acordo co sorteo.

Contidos

  • A construción da identidade sexual
  • Os vínculos afectivos e as relacións coas outras persoas
  • As distintas orientacións sexuais e opcións de convivencia
  • Os roles de xénero
  • Os abusos sexuais

Cada contido traballarase cun conto dramatizado e posteriormente cunha serie de actividades complementarias, estas últimas a cargo do profesorado de cada aula. Estas actividades estarán descritas nun "Caderno para o profesorado" que se entregará con anterioridade á realización do "Contacontos".

Metodoloxía

As nenas e os nenos serán protagonistas do proceso de aprendizaxe mediante a participación activa, propiciando unha contorna segura en que lles resulte fácil participar nas dinámicas de traballo que estarán baseadas en xogos, representacións...

Cando:

Dende o 01/10/2018 ata o 31/05/2019

Inscricións:

Dende o 12/09/2018 ata o 31/10/2018

Inscrición para os centros

Ficha de solicitude xeral

Ficha específica "Concellería de Igualdade e Diversidade "

Contacto:

Centro de Planificación Familiar Municipal

R/ Tui, 19, 15002, A Coruña

coforillamar@coruna.es

Tel.: 981 184 272

Graciela Cañás: traballadora social

Chus Díaz: psicóloga clínica

Teléfono de asistencia técnica da web educativa municipal (981 902 327)

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?