Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Educación

  • Compartir
  • Engadir á túa axenda
  • Engadir ao meu móbil | 
  • Mostrar en el mapa
  • Imprimir

Converxencias arte e ciencia. Visitas escolares á exposición e taller

A exposición "Converxencias, arte e ciencia", organizada pola Institución Galega de Ciencia (IGACIENCIA) e o Servizo Municipal de Educación do Concello da Coruña, enmárcase dentro das actividades de difusión da ciencia e da cultura científica na sociedade, para mostrar as sinerxías e vínculos entre a arte e a ciencia, propiciar a comprensión do método científico, a resolución de problemas, o espírito crítico e o interese social pola ciencia e a innovación como base do progreso.

Localización do centro:

De calquera concello

Servizo municipal:

Educación

Tipo de actividade:

Outras

Titularidade do centro:

Público, Concertado, Privado

A quen vai dirixido?:

Alumnado de ESO, BACH e FP do Concello da Coruña.

No caso de que queden sesións sen cubrir, abrirase a inscrición a outros centros educativos de Galicia.

Tamén existe a posibilidade de adaptar a sesión para 5º e 6º de EP, á Escola de Arte e á Universidade da Coruña.

anual

Prezo / Custo:

Gratuíto.

O servizo de transporte para vos centros educativos públicos do municipio da Coruña correrá a cargo do Servizo Municipal de Educación.

Obxecto:

O obxectivo fundamental dos talleres-exposición é ilustrar e profundar no diálogo entre a ciencia, a arte e a tecnoloxía, primando en todo momento a compoñente didáctica e divulgativa para achegarse ao público xeral e, especialmente, á mocidade. Trátase dunha proposta que propicia o tratamento STEAM nas aulas (ciencia, tecnoloxía, enxeñería, arte e matemáticas). Unha maneira de traballar a ciencia e a arte en proxectos conxuntos, que impliquen ambos os polos.

Desenvolverase no Centro Ágora, no lugar da Gramela, 17, 15010, A Coruña.

Na exposición preténdese explorar esa interacción dinámica das conexións entre a arte e a ciencia, para establecer visións integradas e integradoras, para iso selecciónanse obras e autores representativos de distintos movementos artísticos ao longo do tempo.

A viaxe iníciase na arte celta e céntrase especialmente en movementos artísticos dos últimos séculos e remata con obras de arte dixital 3D recentemente expostas en congresos internacionais.

A exposición implicitamente denota taller-exposición, coa seguinte estrutura:

• Presentación animada sobre o método compositivo e o uso da cor por Juan Gris.

• Parte expositiva:

- paneis interpretativos que poñen de manifesto as conexións coa ciencia das distintas obras obxecto de análise.

- obras de arte dixital impresas en 3D

• Talleres para implementar a parte expositiva. En función das características do grupo, desenvolveranse algúns dos seguintes talleres:

- teselar con polígonos

- xogando co polidrón

-creando e interpretando mosaicos: xogo da Alhambra, tipo Escher, de Penrose...

- tramas e ilusións ópticas

- espirais de Fibonacci

- banda de Möebius

Cando:

Dende o 17/01/2020 ata o 24/01/2020

17 de xaneiro de 2020: Inauguración e posterior presentación animada de Juan Gris seguida de visita abreviada especialmente para o profesorado e para o público xeral.

Do 20 ao 24 de xaneiro: visitas e talleres para os centros educativos de 2 horas de duración, en horario de 9.00 a 11.00 h, de 10.45 a 12.45 h e de 12.30 a 14.30 h.

Do 18 ao 23 de xaneiro: parte expositiva aberta ao público en xeral, en horario de 15.00 a 21.00 h.

Inscricións:

Dende o 09/12/2019 ata o 10/01/2020

A través da ficha de inscrición que se abrirá na páxina web de IGACIENCIA.

Prazo de inscrición: desde o 9 ata o 16 de decembro para os centros educativos do concello da Coruña.

E, no caso de que queden prazas libres, do 17 de decembro de 2019 ao 10 de xaneiro de 2020 para os centros educativos doutros concellos.

Contacto:

IGACIENCIA

Inés Ben

secretaria@igaciencia.org

Servizo Municipal de Educación

Tel. 981 184 200

educacion@coruna.es

Requisitos:

Preferiblemente grupos de ata 40 alumnos/as, máximo 50 por sesión.

É conveniente que o profesorado asista á inauguración e á visita abreviada, para orientar a visita e os contidos do taller en función das características e intereses do grupo.

En caso de dúbida, establecer contacto a través de secretaria@igaciencia.org

Organizador:

IGACIENCIA http://www.igaciencia.eu

Programa financiado polo Concello da Coruña

Enderezo:

Centro Sociocultural Ágora. Lugar Gramela 17. 15010 A Coruña

Máis información:

Teléfono de asistencia técnica da web educativa municipal (981 902 327)

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?