Educación
- Castellano |
- Galego
Diferentes pero iguais (educación para a igualdade e a convivencia)
Este taller trata de favorecer a adquisición de coñecementos e o desenvolvemento de actitudes conducentes á igualdade de trato e oportunidades entre as nenas e os nenos.
Localización do centro:
Só da Coruña
Servizo municipal:
Igualdade e Diversidade
Tipo de actividade:
Complementaria
A quen vai dirixido?:
Alumnado de 3º e 4º curso de EP, profesorado e persoal orientador de centros educativos do termo municipal da Coruña.
Obxecto:
- Contribuír á constatación do enriquecemento que supoñen as diferenzas por razón de sexo, imaxe, orixe, raza, costumes culturais, capacidades físicas ou intelectuais.
- Estimular a cooperación ou o traballo en equipo como base dunhas relacións interpersoais non competitivas e non conflitivas.
- Transmitir a importancia de ser solidarios e solidarias con cuestións que en principio non lles afecten directamente.
- Potenciar a importancia de ser capaces de defender as ideas, desexos e intereses sendo capaces de poñerse no lugar das demais persoas.
- Incidir na importancia de ser autónomos/as ou de valerse por si mesmos/as.
Condicións
Ofertaranse 10 talleres desta natureza ao longo do curso escolar 2018-2019. Se a demanda superase a oferta de talleres, o Concello realizará a súa adxudicación logo da previa ponderación do número de grupos solicitados por cada centro en relación coas vacantes dispoñibles.
O horario concretarase directamente co centro educativo e a duración do taller será de tres sesións de 60 minutos cada unha, secuenciadas consecutivamente e o máis próximas no tempo posible.
Contidos
Bloque 1: A importancia de ser diferente
- Segundo o país de orixe, cultura, cor da pel
- Por ser nena ou neno
- Pola imaxe exterior da persoa
- Por algunha discapacidade física, psíquica ou psicolóxica
Bloque 2: O traballo dentro e fóra do fogar
- O traballo no noso fogar: tarefas domésticas, apoio e coidado dos membros da familia
- A corresponsabilidade na familia
- O traballo fóra da casa: profesións sen sexo
Contidos transversais:
- Traballo en equipo
- Habilidades sociais e comunicativas: asertividade, expresión de sentimentos e emocións, empatía
- Propia estima
Cando:
Dende o 01/11/2018 ata o 21/06/2019
Inscricións:
Dende o 12/09/2018 ata o 30/09/2018
Inscrición para os centros
Contacto:
Centro de Información ás Mulleres
Barrio das Flores - r/ Hortensias, s/n, A Coruña
Teléfono: 981 184 356
Correo electrónico: cim@coruna.es
Coordinadora: Mercedes B. Rico Rodríguez.
Correo electrónico: b.rico@coruna.es
- Ayuntamiento de A Coruña | Concello da Coruña
- Praza de María Pita, 1. 15001 A Coruña
- 981 184 200 ou desde dentro do termo municipal ao teléfono de atención 010
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible