Residuos urbanos na Coruña 2019-20
Paralelamente ao aumento do nivel de vida, á prosperidade económica e ao progresivo distanciamento do ámbito ambiental, os hábitos de consumo da maioría da poboación evolucionaron cara á ignorancia da repercusión das súas accións sobre ese ámbito. Isto desencadeou graves problemas ambientais. Un dos maiores retos actuais é atopar unha solución ao tratamento e eliminación dos residuos resultantes do principio de usar "e tirar", imperante hoxe en día.
Localización do centro:
Só da Coruña
Servizo municipal:
Medio ambente
Tipo de actividade:
Complementaria
Titularidade do centro:
Público, Concertado, Privado
A quen vai dirixido?:
Alumnado de 1º a 6º de EP e de 1º a 4º de ESO.
De outubro de 2018 a xuño de 2019
Obxecto:
- Dar a coñecer o plan de tratamento dos residuos urbanos do Concello da Coruña.
- Informar das diferentes alternativas existentes para a eliminación e tratamento dos RU, as súas vantaxes e desvantaxes.
- Modificar as actitudes persoais para unha mellora do comportamento cívico ante os residuos.
- Motivar á poboación escolar para que participe activamente no plan de recuperación e posta en valor dos residuos: desde a recollida selectiva e a separación en orixe, ata o coñecemento dos produtos reciclados.
No Plan de Tratamento de Residuos Urbanos da Coruña se aposta por unha separación selectiva en orixe (recollida selectiva) que permite unha mellor integración dos residuos en procesos de reciclaxe e compostaxe. Esta alternativa fundaméntase nunha activa participación cidadá. A veciñanza debe estar constantemente informados tanto o sistema que se escolle para a eliminación de residuos, como das vantaxes que este supón. A importancia do seu papel persoal e colectivo neste esforzo común é a pedra troncal do sistema municipal.
ESTRUTURA
O programa desenvólvese en tres sesións diferentes:
- Audiovisual interactivo: Proxección comentada na aula cun coloquio. A elixir entre: a) O valor dos residuos (De 1º a 4º de EP) b) Os residuos urbanos na Coruña (5º e 6º de EP, ESO). 60 min.
- Taller na aula: A elixir entre: a) Outra vida aos residuos (De 1º a 4º de EP) b) Separa e gana (5º e 6º de EP, ESO) c) O destino dos residuos (3º e 4º ESO). 60 min.
- Itinerario/Visita guiada: a elixir entre: a) Bens e punto limpo (De 1º a 4º de EP) 90 min. b) Planta de tratamento e residuos de Nostián (5º e 6º de EP, ESO). 120 min.
Cando:
Dende o 07/01/2020 ata o 30/06/2020
NOTA: A programación de Educación Ambiental municipal pode sufrir algunha variación ao longo do curso escolar. A orixe destes cambios está na nova licitación destes programas que rexerá nos futuros anos. Ningún dos cambios influirá nas datas asignadas aos diferentes centros. Calquera cambio ou modificación nos contidos dos programas só realizarase acordada cos destinatarios; que serían consultados coa debida antelación.
Este evento xa rematou
Inscricións:
Dende o 11/12/2019 ata o 31/01/2020
Inscrición centros
Contacto:
Actividades relacionadas
Documentos relacionados
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible