As cidades e a contorna urbana son ecosistemas en que conviven especies de flora e fauna que se adaptaron a un novo ambiente. Nun medio tan transformado, en que dominan o asfalto e o cemento, estes habitantes atopan lugares e formas para cubriren as súas necesidades vitais. Unha cidade como A Coruña ofrece moitas posibilidades neste sentido: unha longa liña de costa, parques e xardíns de diferente configuración e superficie son os seus principais elementos. É vital que as cidadás e cidadáns omprendamos e valoremos a importancia do mantemento destes lugares pola súa biodiversidade e contribución á calidade ambiental.

Trátase dun obradoiro de programación e robótica onde se adquire a formación precisa para participar no concurso. Os conceptos computacionais utilízanse para enfocar e resolver problemas reais, comunicarnos con outras persoas e xestionar múltiples aspectos da nosa vida cotiá.

Dada a situación de pandemia ,esta actividade realizarase no propio centro educativo por streaming youtube con aclaracións de dúbidas por videoconferencia jitsi, así como o concurso.

Taller que ten como obxectivo promover entre o alumnado de 5.º e 6.º de educación primaria a prevención do uso inadecuado e a toma de conciencia sobre as vantaxes e inconvenientes dos videoxogos e o establecemento de estratexias sobre a súa utilización.

A presenza de animais acompañando as nosas vidas na cidade é cada vez máis frecuente. Da man diso, nos últimos anos aparecereon diversas normativas que intentan xestionar a súa tenza e adiantarse ou reconducir problemas que enturbian a relación entre os seres humanos e os animais. Promover un coidado responsable e ético; evitar a introdución de especies exóticas ou o comercio de especies vulnerables son tópicos de interese neste ámbito. Xunto a esta veciñanza de carácter doméstico hai outra máis natural que é a miúdo obxecto de críticas polas molestias que xera: as especies silvestres que comparten con nós a cidade. Ratos, estorniños, pombas ou gaivotas son as máis coñecidas.

Até ben entrado o século XX, os virus constituían un misterio invisible. Eran de importancia transcendental pero indetectables como o neutrón, por poñer un exemplo. Os descubrimentos microbianos de Antón van Leeuwenhoek non os detectaban, como tampouco os avances bacteriolóxicos de Pasteur ou Koch, 200 anos despois. De súpeto un coronavirus cambiou por completo a nosa vida, como só o conseguiran antes as peores guerras da humanidade. Afondemos un pouco máis o coñecemento destes patóxenos.

Taller que ten como obxectivo previr o inicio do consumo e o uso de alcol e tabaco nos e nas menores, traballando as competencias sociais, os factores protectores e facendo unha análise práctica dos riscos do seu consumo.

Este obradoiro ten como obxectivo promover a toma de conciencia dos riscos asociados ao uso da internet e facilitar habilidades para se mover con seguridade neste novo "hábitat".

O obradoiro combina a intervención grupal con intervencións individuais, en casos de risco verificado, co/a menor e a súa familia.

O centro escolar que detecte un caso concreto de conduta problemática asociada ao comezo de consumo de drogas e estea interesado nesta actuación pode solicitar esta intervención.

Programa de Educación para o Consumo, destinado ao alumnado de centros educativos da Coruña

Programa educativo municipal de reforzo educativo para diminuír o fracaso escolar do alumnado escolarizado no Concello da Coruña no curso 2020/2021.

Programa educativo municipal de reforzo educativo para diminuír o fracaso escolar do alumnado escolarizado no Concello da Coruña no curso 2020/2021

O programa de "Arte e cultura no centro" é unha proposta de lecer educativo que complementa a xornada lectiva, persegue o desenvolvemento integral (físico, intelectual e social) dos nenos e nenas nunha contorna lúdica, de diversión e entretemento (aprender xogando) e comprende un amplo abano de actividades artísticas e culturais. Organízanse a través de dúas propostas diferenciadas: "Obradoiros" e/ou "Proxectos".

A Federación Provincial das ANPA en convenio co Concello da Coruña, co fin de lles dar resposta ás necesidades de conciliación das familias nos períodos vacacionais, leva a cabo o programa de actividades Campacole, baixo o formato de campamentos urbanos con servizo de madrugadores e comedor.

Estes campamentos levaranse a cabo en diversos CEIP da Coruña (por determinar).

Programa de Educación para o Consumo, destinado ao alumnado de centros educativos da Coruña

Sensores para todos é un certame no que, a través do obxectivo explícito de achegar a xente nova á programación e ao uso das moi activas tecnoloxías electrónicas e robóticas, busca fomentar a súa creatividade, a capacidade de resolución de problemas e a investigación no campo STEM -Ciencia, Tecnoloxía, Enxeñería, e Matemáticas- á vez que se desenvolven aptitudes e actitudes para o traballo en equipo e a aprendizaxe compartida.

Programa de Educación para o Consumo, destinado ao alumnado de centros educativos da Coruña

A exposición "Converxencias, arte e ciencia", organizada pola Institución Galega de Ciencia (IGACIENCIA) e o Servizo Municipal de Educación do Concello da Coruña, enmárcase dentro das actividades de difusión da ciencia e da cultura científica na sociedade, para mostrar as sinerxías e vínculos entre a arte e a ciencia, propiciar a comprensión do método científico, a resolución de problemas, o espírito crítico e o interese social pola ciencia e a innovación como base do progreso.

O programa Cóxegas é unha proposta que lle dá resposta á demanda de conciliación familiar e laboral para familias con fillas e fillos escolarizados en centros públicos en tempo extraescolar, durante os períodos en que as ANPA non desenvolven actividades extraescolares (setembro e xuño).

É un programa integral de actividades físico-deportivas para o alumnado dos centros educativos públicos da cidade, desde a filosofía do 'deporte para todos'.

As propostas deportivas realízanse en horario extraescolar, nas propias instalacións dos centros e, os eventos especiais e competicións, nas instalacións deportivas municipais.

Programa de Educación para o Consumo, destinado ao alumnado de centros educativos da Coruña.

O programa de Educación Viaria do Concello da Coruña é unha actividade dirixida e realizada pola Policía Local da nosa cidade. Busca mellorar a seguridade viaria das/os escolares mediante unha formación adecuada e adaptada ás necesidades e diversidade dos grupos, destacando a transmisión de valores e actitudes de condutas cívicas, e polo tanto, viarias.

A enerxía é vital para o desenvolvemento das nosas actividades cotiás. A enerxía somática, que obtemos co metabolismo dos alimentos, sería a primeira. A partir de aí, o resto das enerxías obtémolas da transformación dos diferentes recursos: centrais térmicas, hidroeléctricas, nucleares, eólicas...

O título do programa componse de dúas palabras:

1) ENGLISH: fai referencia ao idioma inglés, que é o núcleo sobre o que xira o programa.

2) LAB: é abreviatura de "laboratory", para formular os "experimentos" que darán lugar á interacción da lingua inglesa con diferentes áreas de contidos.

Deste xeito, expresa a capacidade e potencial creativos que demandará o programa do alumnado participante e que se pretende manifestar coa posta en práctica das diferentes actividades que protagonizarán o día a día do proxecto.

Taller para fomentar no alumnado as habilidades de comunicación e as competencias para a toma de decisións autónomas e saudables que actúan como factores de protección fronte ao comezo do consumo de drogas.

Programa de difusión do espírito emprendedor entre o alumnado de Ciclos formativos e Educación superior de centros públicos (ou privados cos que se asine convenio), mediante a titorización/mentorización dos seus proxectos empresariais.

Taller que promove potenciar as habilidades persoais e o traballo cooperativo das persoas participantes, desde unha perspectiva de xénero, para unha convivencia saudable e previr posibles situacións de acoso escolar.

Itinerarios pola cidade para coñecer a súa historia e algúns dos edificios emblemáticos mediante actividades de observación.

Programa escolar concibido como un intercambio de representacións entre grupos teatrais. Cada grupo crea/selecciona e ensaia unha obra de teatro para representala en dous centros educativos do concello.

O 40% da produción enerxética final destínase ao transporte nas súas diferentes modalidades. O 15% é utilizado polas familias no seu vehículo particular. Se engadimos a parte de enerxía que se precisa para fabricar e manter os vehículos e as infraestruturas necesarias, esta demanda elévase até o 50%. Practicamente o 100% dos combustibles teñen a súa orixe en derivados do petróleo, o que supón unha dependencia dun recurso non renovable, escaso e que importamos. A educación, a saúde, o emprego ou o lecer deben resultar accesibles para todas e todos, independentemente de que dispoñamos ou non de coche.

A finalidade do Programa MUS-E é o traballo desde as artes, no ámbito escolar, como ferramenta que favorece a integración social, educativa e cultural do alumnado e as súas familias, mellorando con iso o seu rendemento na aula.

MUS-E fai fincapé na importancia do diálogo e a interacción así como o desenvolvemento da creatividade e a imaxinación na práctica educativa para a mellora das aprendizaxes na escola e o traballo en valores.

Programa de Educación para o Consumo, destinado ao alumnado de centros educativos da Coruña.

A atmosfera é imprescindible para a vida na Terra. O ser humano altéraa e modifica até tal punto que a consecuencia é a súa contaminación, con gran repercusión nos seres vivos. O primeiro no que pensamos con contaminación "do aire" é en cambios na composición química da atmosfera debidos á existencia de gases e compostos nocivos; mais tamén o ruído é un dos axentes contaminantes máis importantes; ou a "contaminación lumínica", con gran repercusión nos ciclos da vida...

Taller que promove un achegamento, adaptado á idade das persoas participantes, á toma de conciencia das vantaxes e riscos asociados a internet.

Programa de Educación para o Consumo, destinado ao alumnado dos centros educativos da Coruña

O Concello da Coruña, no marco da lexislación vixente, ofrécelles aos centros escolares da cidade a oportunidade de participar na realización dun pleno infantil presidido pola alcaldesa da cidade.

Taller que ten por obxecto promover no alumnado actitudes prosociais e saudables, que proporcionen as ferramentas adecuadas para unha abordaxe e xestión saudable e positiva dos conflitos en xeral e ante as situacións relacionadas co consumo de drogas e alcol en particular.

Realízao a Sección de Protección Civil do Servizo Municipal de Protección Civil e Bombeiros, e consiste na aprendizaxe de primeiros auxilios, prevención e seguridade nos centros educativos da cidade.

A persoa encargada é Federico de la Fuente Ortiz, monitor de Protección Civil e instrutor de Soporte Vital Básico e Desfibrilación Semiautomática.

Programa de acción voluntaria que consta da creación dunha rede de pequenas sucursais do Centro Municipal de Información Xuvenil, en 23 centros públicos (IES, CIFP, Escola Oficial de Idiomas, Escola de Arte e Superior de Deseño Pablo Picasso e o Conservatorio Profesional de Música), e nos centros concertados con ESO e bacharelato da cidade.

Programa de Educación para o Consumo, destinado ao alumnado de centros educativos da Coruña

Percorridos a pé pola cidade para escolares desde os 3 até os 8anos, co obxectivo de que coñezan a súa cidade á vez que adquiren valores e actitudes cívicas, mediante actividades didácticas.

O proxecto "Sementando Participación" ten como obxectivo xerar un proceso de participación infantil na área metropolitana da Coruña. Está dirixido ao alumnado e profesorado de 5.º e 6.º de EP. Consistirá nun obradoiro de formación pra o profesorado e cinco obradoiros de 50 minutos co alumnado. Cada un pecharase cun evento final con todo o alumnado participante. 

Esta proposta ofrécese para traballar de maneira presencial nas aulas ou a distancia, a través de sesións en liña. Tamén se poderá implementar de forma mixta, intercalando sesións presenciais con sesións de traballo a distancia. 

Programa educativo que pretende fomentar os valores da economía social e o espírito emprendedor a través da creación e xestión dunha cooperativa escolar na aula.

Son un conxunto de intervencións sistemáticas dirixidas a facilitar o tránsito desde a escola á vida laboral activa, desenvoltas co obxectivo de posibilitar que o estudantado de FP dos institutos de ensino secundario do municipio dispoña da información e do asesoramento necesario para acurtar os tempos entre a finalización dos estudos e a incorporación ao emprego.

Acción de dinamización lingüística consistente nun obradoiro, en horario extraescolar, para aprender a redactar un guión e gravar unha curta empregando como lingua vehicular o galego.

Este taller ten como obxectivo:

• a prevención de risco no uso de internet, redes sociais e xogo interactivo
• fomentar o uso responsable de internet, novas tecnoloxías, redes sociais e xogos interactivos
• identificar situacións de risco e as súas consecuencias

O obxecto do taller é dotar o alumnado das ferramentas necesarias para a toma de decisións adecuadas ante a situación do consumo de drogas, así como evitar posibles situacións de risco asociadas.

Taller que reforza o aprendido no taller "Todos contamos 1", utilizando recursos e metodoloxía práctica, incidindo nas dinámicas e adquisición de valores positivos para a adopción de condutas saudables.

O IMCE ofrécelles aos centros escolares parte da súa programación de teatro con espectáculos específicos para os distintos niveis educativos e en horario escolar, no Fórum Metropolitano, DE FORMA SEGURA ANTE A COVID-19.

Estes espectáculos ofertaranse para público familiar o sábado seguinte, ás 18.30 h. 

No presente curso 2020/2021 e debido á incerteza xerada pola aparción da pandemia do coronavirus, ademais da programación que se presenta até febreiro de 2021, realizarase unha nova proposta en decembro de 2020 (en datas por confirmar) para a primavera de 2021. 

Visitas dirixidas ao segundo ciclo de educación infantil e a todos os niveis de educación primaria.

Percorrido guiado polas dependencias que configuran cada casa museo

Visitas a diversas entidades da cidade e percorridos guiados para alumnado de centros educativos en horario escolar

Importante: a realización deste programa está condicionada á evolución da pandemia da COVID-19.

As XXVIII xornadas de orientación universitaria (XOUP 2020-21) ofrecen a oportunidade de coñecer os ciclos formativos e estudos superiores de deseño que se imparten na cidade, así como os estudos universitarios da comunidade autónoma galega.

Os recursos que proporcionan as novas TIC encobren os riscos que pode levar o seu uso inadecuado. O fácil acceso ás redes sociais en liña e a maior presenza de dispositivos móbiles con conexión a Internet entre a mocidade fai necesario informar sobre o uso adecuado destas tecnoloxías.

Este taller promove o uso responsable e seguro das tecnoloxías da información e comunicación (TIC) previndo o seu uso excesivo e inadecuado e fomentando, entre as persoas usuarias máis novas, o bo uso destas tecnoloxías.