Concello da Coruña

Concello da Coruña

Información xeral

A REIM é unha rede integrada por escolas infantís de titularidade municipal, xestionadas por concesionarias, que escolarizan a menores de 0 a 3 anos empadroados/as, preferentemente, no termo municipal do Concello da Coruña.

Rede de Escolas Infantís Municipais (REIM)

Constituída por 8 escolas que atenden a menores de 0 a 3 anos:

  • EIM A Caracola
  • EIM Agra do Orzán
  • EIM Arela
  • EIM Carricanta
  • EIM Os Rosales
  • EIM Luís Seoane
  • EIM Monte Alto
  • EIM Os Cativos

A escola infantil Carmen Cervigón deixou de formar parte da rede de escolas infantís municipais desde o 1 de setembro de 2022 por mutuo acordo do Concello da Coruña e da IBS Padre Rubinos.

Todas as escolas están sometidas á normativa vixente para as escolas do primeiro ciclo de Educación Infantil (0-3 anos), e ao Regulamento de organización e funcionamento da Rede de Escolas Infantís Municipais do Concello da Coruña, publicado no BOP da Coruña o 6 de agosto de 2020 (núm. 124).

Ademais, réxense por un Regulamento de Réxime Interno propio e identificativo, no que se recollen as normas de convivencia, de organización e funcionamento de cada unha delas.

A REIM ofrece un servizo educativo de calidade para a primeira infancia, entendendo a educación como un dereito do/a neno/a para o desenvolvemento integral da súa personalidade (físico, afectivo, intelectual, moral e social), nun ambiente adecuado ás súas necesidades e en contacto con outros/as nenos/as. Esta función educativa é complementaria á educación recibida no seo do propio ambiente familiar.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión