Queres cantar e tocar como as Tanxugueiras e formar un grupo de percusión tradicional con arranxos musicais de voces e percusións complexos e divertidos? O fenómeno eurovisivo non é illado, vén xestándose desde hai anos, grazas a grupos e solistas como Mercedes Peón, Mayalde, Coetus, Xabier Díaz, Xurxo Fernández, Rodrigo Cuevas, El Naan, Xisco Feijoo etc; que veñen traballando as percusións tradicionais e as vogais desde unha perspectiva moderna e actualizada.

Abrimos agora este obradoiro dedicado ás voces e ás percusións tradicionais. O taller estará comprendido como unha agrupación na que se traballarán simultaneamente as voces de tradición oral, acompañadas de diferentes instrumentos de percusión tradicionais, durante todo o curso, con vistas a posibles actuacións e colaboracións con outras agrupacións da Escola Municipal de Música.

Día e hora: Venres de 18.30 a 19.30 horas.

Duración: Todo o curso

(Número de prazas: máximo de 15)