Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Área de empleo y empresa

Cuándo:

2 de octubre de 2018

O Concello pon en marcha un novo obradoiro de emprego para facilitar o acceso ao mercado laboral a colectivos vulnerables

O taller ‘Capela de San Amaro’, que se desenvolverá o longo de nove meses, capacitará 20 persoas desempregadas da cidade na instalación e mantemento de zonas verdes, ademais de pintura industrial

A Concellería de Emprego e Economía Social inicia este mes de outubro un novo obradoiro dual de emprego dirixido á mellorar a empregabilidade no termo municipal. O taller Capela de San Amaro, que desenvolverá a área que dirixe Alberto Lema, formará a 20 persoas desempregadas da cidade nas especialidades de instalación e mantemento de xardíns e zonas verdes, así como de pintura industrial en construción, co obxectivo de facilitar o acceso futuro ao mercado laboral da veciñanza, en particular de colectivos con dificultades de integración social. Tal e como sinala o concelleiro Alberto Lema, o curso, que comezará contra final de mes e que se desenvolverá ao longo de nove meses, contempla medidas "que melloren a capacidade das e dos participantes para adaptarse ás necesidades que se veñen incrementando nos últimos anos". "Desde o Concello da Coruña estamos a realizar un importante esforzo para mellorar as oportunidades laborais de todas aquelas persoas con dificultades de integración social, xa que o desemprego afecta, especialmente, ás persoas que se atopan nunha situación de vulnerabilidade", sinala o edil.  

Os cursos terán unha duración de nove meses e un total de 1.440 horas lectivas. Cada un dos obradoiros divídese en módulos que inclúen coñecementos teóricos e prácticos sobre a especialidade en cuestión, que se complementarán con accións formativas de sensibilización ambiental, igualdade de xénero, alfabetización informática ou orientación e asesoramento, entre outras. Na especialidade de instalación e mantemento de xardíns e zonas verdes, abordaranse cuestións vinculadas á execución e organización das operacións de instalación de xardíns de interior ou exterior, ademais do manexo de maquinaria e apeiros de xardinería --todo sempre baixo o cumprimento da normativa ambiental, de calidade e de prevención de riscos laborais--; e capacitarase ás alumnas e aos alumnos para o control de pragas, enfermidades e fisiopatías. No caso da especialidade de pintura industrial en construción, abordarase o tratamento de soportes para o seu revestimento, a pintura e materiais de imprimación, a realización de acabados ou a execución de pavimentos continuos de resinas, ademais da organización de traballos de pintura ou a prevención básica de riscos laborais, entre outros aspectos.  

Todos os coñecementos adquiridos levaranse a cabo, baixo a supervisión da dirección do curso, intervencións na capela e no muro do cemiterio de San Amaro, así como o acondicionamento e mellora dos xardíns adxacentes ao camposanto. O obradoiro suporá un investimento de 334.807 euros, dos cales o Concello contribúe con 46.000 euros --contemplados no orzamento municipal do presente exercicio--, mentres que o resto corresponden a unha subvención outorgada pola Consellería de Economía, Emprego e Industria.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?