Trátase dun programa gratuíto de formación para mulleres (traballadoras por conta propia ou autónomas e traballadoras por conta allea de PEMES) pensado para axudalas a desenvolver e xestionar redes de contactos con ferramentas dixitais de Facebook. O obxectivo é promover a confianza e as habilidades para utilizar as ferramentas da economía dixital e potenciar así os seus negocios.

Os talleres constan de 4 horas de formación divididas en 3 módulos formativos onde se desenvolven as actividades en equipos de traballo e de forma dinámica:

- 1 módulo sobre Facebook

- 1 módulo sobre Instagram

- 1 modulo sobre creatividade

Tras realizar o taller, as asistentes recibirán un certificado de asistencia xunto con máis información útil para seguir mellorando as súas competencias dixitais.

As mulleres, tanto traballadoras por conta propia como por conta allea, que desexen inscribirse no taller poden facelo cubrindo o seguinte formulario. O prazo para realizar a inscrición remata o 27 de outubro.

O taller realizarase nas instalacións do Centro Municipal de Empresas Agrela (r/ Galileo Galilei, 62. 15008 A Coruña) o día 26 de novembro de 2019. Están previstos dous horarios, en función da demanda (de 9:30 a 13:30 horas ou de 16:00 a 20:00 horas).

Para poder realizar o taller é preciso contar cunha inscrición mínima de 20 mulleres.