Durante o mes de setembro iniciaranse sete novos itinerarios formativos con prácticas en empresas, nos que se formarán máis de 100 persoas, nas seguintes especialidades:

• Carnicería e elaboración de produtos cárnicos
• Nutrición e dietética en xeriatría
• Actividades auxiliares de comercio
• Elaboración culinaria básica
• Dinamización de actividades de tempo libre educativo infantil e xuvenil
• Socorrismo en instalacións acuáticas
• Xestión de arquivos

A través do proxecto Coruña Suma, o Servizo Municipal de Emprego conseguiu que máis de 450 persoas desempregadas accedesen a un posto de traballo, delas 250 foron mulleres.

A partir do mes de outubro abriranse novas especialidades profesionais vinculadas á hostalería, actividades de lecer e tempo libre educativo infantil e xuvenil, programación en Java e outros da rama administrativa e sociosanitaria.

Se che interesa recibir información sobre este proxecto, ponte en contacto co Centro Municipal de Emprego dos Rosales chamando ao 981 184 399 ou manda un correo electrónico a coruna.suma@coruna.gal co teu nome e o teu número de teléfono e contactaremos contigo.