Concello da Coruña

Concello da Coruña

Cando:

13 de agosto de 2022

O Concello reabre o Club de Emprego da Unidade de Asesoramento ás Migracións

Este servizo, destinado ao apoio para a procura activa de emprego para as persoas migrantes, retomará a súa actividade o 16 de agosto

O vindeiro martes día 16 de agosto volverá funcionar o Club de Emprego da Unidade de Asesoramento ás Migracións (UAMI) que depende da Concellería de Benestar Social, Igualdade e Participación. 

Este servizo, destinado ao apoio ás persoas migrantes e emigrantes retornados para a procura activa de emprego, retomará a súa actividade na aula informática do Centro Cívico de Os Mallos en horario de 9:30 a 13:00 horas os martes, con cita previa, e os xoves sen necesidade de cita. 

No Club de Emprego da UAMI as persoas migrantes poderán atopar ferramentas e recursos como ordenadores, internet, teléfono e impresora. Tamén se poñen ao dispor dos usuarios listados de empresas de traballo temporal (ETT's), empresas de selección de persoal, portais de emprego, e outros recursos, así como información actualizada sobre ofertas de emprego, formación prelaboral, programas e recursos municipais de inserción laboral aos que podes acceder na cidade. 

Ademais, os usuarios do Club de Emprego da UAMI reciben atención personalizada e axuda para elaborar unha carta de presentación, un currículo (CV) ou como preparar unha entrevista de traballo, entre outras cuestións.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión