O alumnado curso de iniciación á informática e dixitalización aplicada para persoas desempregadas rematou a formación, impulsada polo Concello da Coruña seguindo a liña do Goberno de Inés Rey na aposta por formación vinculada ao sector tecnolóxico.

Un total de 20 persoas en situación de desemprego recibiron formación básica en informática, dende a xestión de documentación en rede ata manexo de aplicacións de texto. O curso tivo unha duración de 30 horas impartidas en horario de mañá, das 9.30 ás 13.30 horas.

O curso enmárcase na posta en marcha do Centro de Capacitación Dixital no Centro Municipal de Emprego dos Rosales, subvencionado polo Ministerio de Educación e Formación Profesional para a creación dunha rede estatal de centros de capacitación dixital en entidades locais, no marco do Plan de recuperación, transformación e resiliencia, financiado pola Unión Europea, Next Generation EU.

O Concello da Coruña, a través do Servizo Municipal de Emprego, realizou un total de 32 accións formativas no 2023 nas que participaron 452 alumnos/as. Acadouse un 54% de inserción laboral, xa que máis da metade das persoas obtiveron un posto de traballo.