A información está estruturada nas seguintes 17 áreas temáticas. Dentro de cada unha delas pódese descargar unha táboa Excel coa información de todos os indicadores que a compoñen, e ademais cada indicador ten a súa propia información (descrición, contido, forma de medición...) que se pode descargar en formato PDF.

Demografía

Neste apartado atópanse os datos poboacionais do municipio da Coruña e a súa distribución segundo sexo, idade e distrito censual, así como a distribución da poboación estranxeira segundo principais nacionalidades e distrito censual. Analízase o crecemento natural e neto da poboación, en función dos nacementos, defuncións, poboación emigrante e inmigrante. Estúdanse os principais indicadores demográficos e de fecundidade, o que nos permite un maior coñecemento da dimensión, estrutura, evolución e características xerais da poboación coruñesa.

Área temática DEMOGRAFÍA en formato Excel

Núm.	INDICADOR
1. DEMOGRAFÍA
1	Distribución da poboación municipal segundo sexo e idade
2	Distribución da poboación municipal segundo sexo e idade por distrito
3	Índice de dependencia xeral por distrito
4	Índice de dependencia xuvenil por distrito
5	Índice de envellecemento por distrito
6	Índice de sobreenvellecemento por distrito
7	Índice de recambio da poboación activa por distrito
8	Taxas de natalidade, mortalidade e crecemento natural
9	Taxa xeral de fecundidade
10	Taxa de crecemento neto
11	Poboación de nacionalidade estranxeira segundo distrito e continente de orixe

Auga

A auga é esencial para a vida. A cantidade de auga doce existente no planeta é limitada e a súa calidade está sometida a unha presión constante. É, por iso, de vital importancia ter un uso responsable dela. Nos indicadores desta sección, contabilízase o consumo de auga por habitante e día, as perdas na rede de abastecemento, así como os resultados dos controis periódicos que se realizan para verificar o estado óptimo da auga potable. Tamén se analiza o rendemento da Estación de Augas Residuais de Bens.

Área temática AUGA en formato Excel

N.º	INDICADOR
2. SECTORES AMBIENTAIS CLAVE: AUGA
12	Balance hídrico
13	Número anual de deteccións de inadecuación na calidade da auga potable
14	Consumo de auga por habitante ao día
15	Consumo de auga na Coruña por sectores
16	Porcentaxe de perdas na rede de abastecemento
17	Orzamento anual dedicado á renovación de redes de abastecemento e saneamento por cada 1.000 habitantes
18	Rendemento da Estación Depuradora de Augas Residuais de Bens
19	Balance enerxético da Edar de Bens

Residuos

A correcta xestión dos residuos é un requisito imprescindible e prioritario para poder conseguir un verdadeiro desenvolvemento sostible. Para iso, é necesario contabilizar os residuos urbanos xerados no municipio da Coruña segundo a súa orixe, a cantidade de colectores segundo tipoloxía e ambos os factores poñelos en relación co número de habitantes para poder realizar as valoracións pertinentes. Tamén se rexistra a cantidade de compost que se produce na planta de Nostián, como produto derivado dos residuos urbanos orgánicos que se xeran.

Área temática RESIDUOS en formato Excel

N.º	INDICADOR
2. SECTORES AMBIENTAIS CLAVE: RESIDUOS
20	Residuos urbanos xerados por habitante ao día
21	Distribución dos residuos que entran á planta de Nostián segundo orixe
22	Recollida selectiva de papel-cartón e vidro
23	Número de habitantes por tipo de colector
24	Cantidade de compost producido na planta de Nostián

Enerxía

Os procesos enerxéticos son directamente responsables de gran parte das emisións contaminantes e de gases de efecto invernadoiro que recibe a atmosfera. Neste apartado, contabilizamos o consumo de gas natural por sectores de actividade, ademais de rexistrar a produción de enerxía eléctrica das plantas de biogás situadas no vertedoiro municipal de Bens e na Planta de tratamento de residuos urbanos de Nostián.

Área temática ENERXÍA en formato Excel

N.º	INDICADOR
2. SECTORES AMBIENTAIS CLAVE: ENERXÍA
25	Consumo de gas natural por sectores
26	Produción enerxética municipal

Calidade do aire e do ruído

A contaminación do aire representa un importante risco ambiental para a saúde. É por iso que se fai necesario analizar a calidade do aire ambiental local, así como as emisións de dióxido de carbono e outros contaminantes á atmosfera, como mostran os indicadores desta sección. Doutra banda, a contaminación por ruído nas nosas cidades está a aumentar e prexudicar as vidas de moitos cidadáns e cidadás. Desta maneira, os indicadores que se mostran a continuación, mostran a porcentaxe de habitantes expostos a niveis de ruído globais (mañá, tarde, noite) e nocturno, así como a análise concreta dos niveis de ruídos en zonas acusticamente saturadas.

Área temática AIRE E RUÍDO en formato Excel

N.º	INDICADOR
2. SECTORES AMBIENTAIS CLAVE: CALIDADE DO AIRE E RUÍDO
27	Contribución per cápita ao cambio climático. Emisións de CO2 no municipio da Coruña
28	Calidade do aire ambiental local
29	Emisións per cápita de contaminantes atmosféricos
30	Porcentaxe de habitantes expostos a niveis de ruído globais (Lden) superiores a 65 dB
31	Porcentaxe de habitantes expostos a niveis de ruído nocturno (Ln) superiores ao recomendado na Directiva Europea de Ruído Ambiental
32	Niveis de ruído en zonas acusticamente saturadas (ZAS)

Contorna litoral

Neste apartado, recóllese información sobre a calidade das augas de baño das praias, así como o diagnóstico ecolóxico e químico da ría da Coruña elaborado por Augas de Galicia. Analízase a calidade da auga da ría da Coruña en diferentes puntos de medición e lévase un control das actividades nocivas para a nosa contorna litoral, tales como as verteduras non autorizadas efectuadas á canle da ría e os derrames de hidrocarburos vertidos no Porto da Coruña.

Área temática CONTORNO LITORAL en formato Excel

N.º	INDICADOR
2. SECTORES AMBIENTAIS CLAVE: CONTORNA LITORAL
33	Calidade da auga nas praias da Coruña
34	Número de praias na Coruña con bandeira azul e porcentaxe que representan respecto ao total
35	Número de praias na Coruña certificadas coa ISO 14001 de xestión ambiental
36	Diagnóstico do estado ecolóxico e químico da ría da Coruña
37	Número de actuacións de limpeza por verteduras significativas de hidrocarburos no Porto da Coruña
38	Calidade da auga na ría da Coruña
39	Número de verteduras non autorizadas efectuados á canle da Ría da Coruña e ao mar

Transporte e mobilidade

Neste apartado, contabilízanse o número de vehículos por cada mil habitantes, o número de prazas de aparcamento por cada cen turismos, a intensidade media diaria de tráfico nas principais vías da Coruña, así como o uso do transporte público municipal e do servizo Bicicoruña. Tamén se analiza a actividade nos distintos medios de transporte que dan acceso á cidade, número de pasaxeiros/as e transporte de mercadorías nas estacións de ferrocarril, o Porto da Coruña, a Estación de autobuses e o Aeroporto de Alvedro.

Área temática TRANSPORTE E MOBILIDADE en formato Excel

N.º	INDICADOR
3. TRANSPORTE E MOBILIDADE
40	Número de vehículos por cada 1.000 habitantes
41	Intensidade media diaria de tráfico nas principais vías da Coruña
42	Persoas usuarias ao día do transporte público municipal por cada 1.000 habitantes
43	Evolución das persoas usuarias das liñas de transporte público
44	Persoas usuarias do servizo Bicicoruña
45	Lonxitude total do carril bici
46	Evolución da actividade do Porto da Coruña
47	Evolución da actividade do Aeroporto de Alvedro
48	Evolución da actividade da Estación de autobuses da Coruña
49	Evolución da actividade da Estación de ferrocarril da Coruña

Espacio urbano

En este apartado se contabiliza la superficie de zonas verdes del municipio de A Coruña y se pone en relación con el número de habitantes para verificar si se cumplen los estándares mundiales de recomendación. Así mismo, las áreas de juego infantil y biosaludables proporcionan beneficios que reportan en el bienestar físico y emocional de las personas. Por este motivo, se lleva un seguimiento no solo del número de áreas de juego infantil y biosaludables, si no de la capacidad estimada que tienen en relación a la población de referencia.

Área temática ESPAZO URBANO en formato Excel

Nº	INDICADOR
4. ESPAZO URBANO
51	Densidade de poboación por distrito
52	Superficie de zonas verdes por habitante na Coruña
53	Número de áreas de xogo infantil-biosaudables e capacidade estimada

Sectores económicos

Contabilízanse as actividades económicas no municipio da Coruña, así como a súa distribución por sector de actividade e a taxa de peche. Analízase a distribución das empresas segundo a súa condición xurídica, sector de actividade principal e número de persoas asalariadas. O turismo tamén é un motor importante na economía dunha cidade como A Coruña, por iso leva un seguimento do grao de ocupación hostaleira, a estancia media en establecementos hostaleiros, o número de cruceiristas e a cantidade de consultas presenciais efectuadas nas oficinas de turismo.

Área temática SECTORES ECONÓMICOS en formato Excel

N.º	INDICADOR
5. ECONOMÍA E EMPREGO: SECTORES ECONÓMICOS
54	Número de actividades económicas censadas no municipio
55	Distribución de actividades económicas segundo o sector de actividade
56	Taxa anual de peche de actividades económicas por sector de actividade
57	Número de empresas no municipio da Coruña segundo condición xurídica
58	Distribución das empresas segundo o sector da actividade principal
59	Distribución de empresas segundo o número de persoas asalariadas
60	Número de empresas con Autorización Ambiental Integrada
61	Estancia media anual en establecementos hostaleiros da Coruña
62	Grao de ocupación hostaleira na cidade
63	Número de persoas atendidas nas oficinas de turismo
64	Número de cruceiristas
65	Persoas beneficiarias de accións municipais de fomento do emprego e a actividade económica

Emprego

Analízase a distribución da poboación de 16 e máis anos segundo a súa relación coa actividade económica, a distribución da poboación ocupada por sector económico e situación profesional. Lévase un seguimento dos indicadores da taxa de paro, a taxa de actividade e a taxa de ocupación. Tamén constan os datos da poboación parada segundo sexo e idade, nivel académico e sección de actividade. A sinistralidade laboral segundo sexo e idade, nivel académico e sección de actividade económica tamén se atopa reflectida neste apartado.

Área temática EMPREGO en formato excel

N.º	INDICADOR
5. ECONOMÍA E EMPREGO: EMPREGO
66	Distribución da poboación de 16 e máis anos segundo a relación coa actividade económica
67	Distribución da poboación activa segundo o sexo
68	Taxa de actividade
69	Taxa de ocupación
70	Distribución da poboación ocupada por sector económico
71	Distribución da poboación ocupada segundo a situación profesional
72	Taxa de paro
73	Distribución da poboación parada segundo sexo e idade
74	Distribución da poboación parada segundo sexo e nivel académico
75	Distribución da poboación parada segundo a sección de actividade económica
76	Porcentaxe de desemprego de longa duración segundo sexo
77	Porcentaxe de poboación asalariada con contrato temporal
78	Sinistralidade laboral segundo sexo e gravidade
79	Sinistralidade laboral segundo tipo de contratación e gravidade
80	Sinistralidade laboral segundo sector de actividade e gravidade

Vivenda

Preséntanse os datos dispoñibles das principais fontes oficiais en canto ao número de vivendas construídas, principais, secundarias e desocupadas, así como vivendas en propiedade e en alugueiro. Tamén constan os datos do número de vivendas cualificadas de protección pública e o número de demandantes dela. Realízase un seguimento do prezo medio do metro cadrado da vivenda libre de menos e de máis de cinco anos de antigüidade, así como os datos máis relevantes sobre rehabilitación e inspección técnica de edificios.

Área temática VIVENDA en formato excel

N.º	INDICADOR
6. CALIDADE DE VIDA: VIVENDA
81	Número de vivendas construídas por hectárea e distrito
82	Porcentaxe de vivenda principal na Coruña por distrito
83	Porcentaxe de vivenda secundaria na Coruña por distrito
84	Porcentaxe de vivenda desocupada na Coruña por distrito
85	Número de vivendas cualificadas de protección pública
86	Número de demandantes de vivenda protexida no municipio da Coruña
87	Prezo medio do metro cadrado da vivenda de menos de cinco anos de antigüidade
88	Prezo medio do metro cadrado da vivenda de máis de cinco anos de antigüidade
89	Porcentaxe de vivendas principais en propiedade
90	Porcentaxe de vivendas principais en réxime de alugueiro
91	Número de vivendas que recibiron subvención para rehabilitación
92	Subvencións para obras de rehabilitación de edificios e vivendas
93	Distribución dos expedientes de inspección técnica de edificios segundo o estado

Educación

Recóllense datos da distribución da poboación coruñesa de 16 e máis anos segundo sexo e nivel de estudos, que nos permite calcular a taxa de analfabetismo por sexo no municipio da Coruña. Lévase un seguimento dos resultados obtidos a final de curso do alumnado de Educación Secundaria Obrigatoria de centros públicos e privados para valorar a porcentaxe del que non promociona. Outro dos aspectos que contabilizamos son o número de prazas autorizadas para o primeiro ciclo de Educación Infantil de iniciativa pública, privada ou social, poñéndoo en relación coa poboación á que vai dirixida para valorar se a oferta cobre a demanda existente.

Área temática EDUCACIÓN en formato excel

N.º	INDICADOR
6. CALIDADE DE VIDA: EDUCACIÓN
94	Distribución da poboación maior de 16 anos segundo o sexo e o nivel de estudos
95	Taxa de analfabetismo por sexo
96	Número de prazas autorizadas para o primeiro ciclo de Educación Infantil por cada 100 nenos/as
97	Índice de fracaso escolar
98	Uso dos servizos das bibliotecas municipais
99	Número de escolares participantes nos programas municipais de educación ambiental

Sanidade e saúde

Neste apartado contémplanse os principais indicadores de saúde da poboación: esperanza de vida segundo sexo, taxa de baixo peso ao nacer, taxa de mortalidade infantil e taxa de anos de vida potencialmente perdidos segundo sexo. Este último, permítenos coñecer a mortalidade prematura no municipio da Coruña. Lévase un seguimento do número de camas hospitalarias e dos recursos humanos sanitarios, poñéndoos en relación coa poboación coruñesa, o que nos permite poder realizar comparativas.

Área temática SANIDADE E SAÚDE en formato Excel

N.º	INDICADOR
6. CALIDADE DE VIDA: SANIDADE E SAÚDE
100	Esperanza de vida ao nacer segundo o sexo
101	Taxa de baixo peso ao nacer
102	Taxa de mortalidade infantil
103	Taxa de anos de vida potencialmente perdidos
104	Número de camas hospitalarias por cada 1.000 habitantes
105	Recursos humanos sanitarios en atención primaria por cada 10.000 habitantes

Benestar social

Móstrase a distribución dos fogares segundo ingresos mensuais, grao de dificultade para chegar a fin de mes, así como a taxa de risco de pobreza. Contabilízase a poboación beneficiaria da Renda de Integración Social de Galicia e de Axudas de Inclusión Social segundo sexo, así como a poboación que recibe prestacións públicas contributivas e non contributivas segundo sexo e tipo de pensión. Tamén se contabiliza o número de prazas autorizadas en residencias de terceira idade e centros de día, de iniciativa pública, privada ou social e ponse en relación coa poboación maior da cidade para dispoñer dos datos suficientes que nos permitan a valorar a oferta en función da demanda. Os últimos indicadores deste apartado teñen por obxecto coñecer a situación da violencia de xénero na Coruña. Trátase dos catro principais indicadores que manexa o Observatorio contra a Violencia Doméstica e de Xénero do Consello Xeral do Poder Xudicial. Analízanse as denuncias interpostas nesta materia e as ordes de protección adoptadas.

Área temática BENESTAR SOCIAL en formato excel

N.º	INDICADOR
6. CALIDADE DE VIDA: BENESTAR SOCIAL
106	Distribución dos fogares segundo os ingresos mensuais
107	Ingreso medio mensual por fogar
108	Rendemento medio declarado no Imposto sobre a Renda das Persoas Físicas
109	Distribución dos fogares segundo o grao de dificultade de chegar a fin de mes
110	Poboación beneficiaria da Renda de Integración Social de Galicia (RISGA) segundo sexo
111	Poboación beneficiaria de Axudas de Inclusión Social segundo sexo
112	Taxa de risco de pobreza
113	Porcentaxe de poboación beneficiada de prestacións públicas contributivas
114	Poboación beneficiaria de prestacións públicas non contributivas segundo sexo e tipo de pensión
115	Grao de cobertura das necesidades de anciáns e anciás
116	Número de persoas usuarias dos programas municipais para persoas con limitacións na súa autonomía
117	Número de mulleres vítimas de violencia de xénero por cada 10.000 mulleres
118	Número de denuncias por violencia sobre a muller desagregadas por quen as presentou
119	Porcentaxe de denuncias por violencia de xénero nas que a vítima se acolle á dispensa da obriga de declarar
120	Porcentaxe de ordes de protección adoptadas

Cultura e deporte

Neste apartado contabilízase o número de abonados nas instalacións deportivas municipais. Tamén se analiza a asistencia aos cinemas, teatros e museos presentes na cidade, cuxos datos se presentan desagregados por instalación.

Área temática CULTURA E DEPORTE en formato Excel

N.º	INDICADOR
6. CALIDADE DE VIDA: CULTURA E DEPORTE
121	Número de abonadas/os nas instalacións deportivas municipais
122	Número de butacas de cinema na Coruña e asistencia anual por habitante
123	Asistencia ao teatro por número de habitantes
124	Número de visitas aos museos da Coruña

Seguridade cidadá

Analízase o número de infraccións penais rexistradas por cada mil habitantes segundo a tipoloxía, o que nos permite calcular a Taxa de criminalidade no municipio da Coruña. Ademais calcúlase o grao de incumprimento das ordenanzas municipais por cada mil habitantes. Rexístrase o número de accidentes de tráfico e as persoas feridas e falecidas neles. Contabilízase o número de intervencións do Servizo de Bombeiros e a súa dedicación para extinguir incendios e achicar inundacións.

Área temática SEGURIDADE CIDADÁ en formato Excel

N.º	INDICADOR
6. CALIDADE DE VIDA: SEGURIDADE CIDADÁ
125	Número de infraccións penais rexistradas por cada mil habitantes, segundo tipoloxía
126	Taxa de criminalidade
127	Grao de incumprimento das ordenanzas municipais por cada 1.000 habitantes
128	Número anual de accidentes de tráfico no municipio por cada 1.000 habitantes
129	Persoas feridas por cada 1.000 accidentes de tráfico na Coruña
130	Persoas falecidas por cada 1.000 accidentes de tráfico na Coruña
131	Dedicación anual do servizo de bombeiros aos incendios
132	Dedicación anual do servizo de bombeiros ás inundacións

Información e participación cidadá

Neste apartado, lévase un seguimento da participación electoral dos diferentes comicios: Parlamento Europeo, eleccións xerais, autonómicas e municipais. Analízase a representación feminina no Pleno Municipal e no cadro de persoal do concello segundo grupo e subgrupo desempeñado. Dispóñense os datos do número de asociacións existentes no municipio da Coruña segundo a tipoloxía, poñéndoas en relación coa poboación coruñesa. Contabilízanse as chamadas recibidas polo servizo de información e atención telefónica 010 e calcúlase a porcentaxe de chamadas atendidas dentro do horario, así como as peticións de información en liña respondidas. Lévase un seguimento das suxestións, reclamacións e incidencias tramitadas, e da porcentaxe de suxestións e reclamacións respondidas no prazo de tres meses desde a súa gravación no sistema.

Área temática INFORMACIÓN E PARTICIPACIÓN CIDADÁ en formato Excel

N.º	INDICADOR
7. INFORMACIÓN E PARTICIPACIÓN CIDADÁ
133	Participación electoral nas eleccións ao Parlamento Europeo
134	Participación electoral nas eleccións xerais
135	Participación electoral nas eleccións autonómicas
136	Participación electoral nas eleccións municipais
137	Representación feminina no Pleno Municipal
138	Representación feminina no cadro de persoal do concello
139	Número de asociacións por cada mil habitantes na Coruña
140	Distribución das asociacións segundo a tipoloxía na Coruña
141	Consultas ao servizo de información e atención telefónica á cidadanía
142	Suxestións, reclamacións e incidencias tramitadas