Descrición

Xornadas onde se informa e orienta ao alumnado de educación secundaria sobre a oferta de estudos universitarios, formación profesional e outros estudos, así como das saídas profesionais ao seu remate.

Persoas destinatarias

Alumnado, orientadores/as e profesorado dos centros de educación secundaria do municipios da Coruña e centros doutros municipios que o soliciten.

Condicións do programa

As Xornadas divídense en dúas accións:

• Unha semana de visita aos distintos centros onde se imparten os ciclos formativos de FP, para coñecer máis de cerca estes estudos; e unha xornada de presentación doutros estudos profesionais como son os policiais e das forzas armadas.
• Unha semana de mesas informativas sobre os estudos universitarios que se imparten nas universidades públicas galegas. Contase cun punto informativo, xestionado pola Rede Municipal de Información Xuvenil e o SAPE, onde asesorarse sobre aspectos de interese para os estudantes, de cara á toma de decisións académicas.

Colaboran

As Universidades da Coruña, Santiago e Vigo; Rede Municipal de Información Xuvenil e centros educativos da cidade.

Para asistir ás mesas informativas e ás visitas aos centros de FP: aínda que o acceso é gratuíto, é imprescindible a presentación da credencial correspondente.

As credenciais para os asistentes repartiranse en cada centro educativo unha vez feita a solicitude previa.

Custo

Gratuíto

Inscrición centros

Máis información: www.coruna.gal/educacion