O portal da Rede EURES

A Rede Eures utiliza un sistema informático en todas as linguas oficiais da UE, e a súa función principal é dar INFORMACION SOBRE AS OFERTAS E DEMANDAS DE EMPREGO NOS PAISES DA UE e do EEE, así como sobre as condicións de vida e de traballo nos devanditos países.

A través da súa páxina web poderás:

• Consultar ofertas de emprego de 31 países europeos que se actualizan en tempo real.
• Rexistrarte como solicitante de emprego, redactar o teu CV e poñelo a disposición dos empresarios rexistrados e dos conselleiros EURES que lles axudan a atopar os candidatos idóneos.
• Ademais entrando na sección «Vida e traballo», terás información sobre a situación do emprego e as condicións de vida e de traballo noutro país do EEE.

Rede de conselleiros EURES

Os conselleiros EURES son especialistas formados que prestan os tres servizos básicos de EURES de información, orientación e colocación, tanto aos solicitantes de emprego como aos empresarios interesados no mercado laboral europeo.

Para buscar o teu conselleiro EURES, utiliza o buscador do portal.

Nalgúns países tamén é posible a utilización dun Chat En liña.

Conselleiro Eures Coruña

Xunta de Galicia, Consellería de Economía, Emprego e Industria

• Dirección: Avda. Salvador de Madariaga, 9-1º 15008 A Coruña
• Coordinación na provincia da Coruña: Covadonga López
• Teléfono: +34 881 881 333 (é necesario pedir cita)
• Fax: +34 881 881 339
• Correo electrónico: eures-coruna.lopez@sepe.es

Axudas á mobilidade EURES

O teu traballo EURES-FSE

Apoio financeiro a traballadores desempregados para que realicen entrevista(s) de traballo ou se incorporen a un posto de traballo, aprendizaxe ou prácticas nun país do Espazo Económico Europeo e Suíza, distinto do de residencia, e/ou para realizar un curso de idiomas vinculado ás necesidades do posto.

Información:

• Centro de Atención ao Usuario (CAU): 901 119 999
• Correo electrónico para resposta personalizada: tutrabajoeuresfse@sepe.es
• www.sepe.es

O teu primeiro emprego EURES

É un proxecto para dar apoio financeiro á mocidade de idades entre 18 e 35 anos na procura de emprego nun país da UE distinto ao de residencia e a empresas interesadas na contratación de traballadores novos procedentes doutros países da UE. EURES España é socio dos proxectos de Italia e Suecia.

Información: www.sepe.es