Concello da Coruña

Concello da Coruña

Información Xuvenil

Concellería de Igualdade, Benestar Social e Participación Cidadá

Bolsas “Idiomas do mundo 2023”

O Concello da Coruña convoca o programa Idiomas do Mundo: estancias de catro semanas nas vacacións estivais, preferentemente o mes de xullo, en Irlanda, Francia ou Portugal coa finalidade de perfeccionar o idioma.

A quen vai dirixido:

Para público en xeral

Inscricións:

Dende o 25/01/2023 ata o 07/02/2023

Duración:

4 semanas.

Requisitos:

  • Alumnado empadroado no Concello da Coruña, con algún proxenitor ou representante legal no momento da solicitude.
  • Estar a cursar 1º de Bacharelato nun centro educativo da cidade da Coruña.
  • Obter unha cualificación media de 7 en 4º da ESO e non contar con ningunha materia suspensa.
  • Obter unha cualificación mínima de 8 en 4º da ESO na materia de lingua estranxeira para a que se solicite o programa (inglés, francés ou portugués). No caso de cursar algún destes idiomas na Escola Oficial de Idiomas, poderase alegar a nota obtida nesta. Para o caso do portugués, de non cursar esta materia específica, valorarase a nota correspondente a lingua galega.
  • Estar en posesión do DNI, pasaporte ou NIE. As persoas que necesiten visado para a realización da estancia no país de destino, deberán de dispoñer do mesmo polo menos con 15 días de antelación previo á viaxe. A tramitación da obtención de visado será responsabilidade da persoa solicitante.

Remuneración / Custo:

A participación no programa non implica a total gratuidade para o alumnado beneficiario, polo que as familias en función da súa renda per cápita, achegarán as cantidades que lles correspondan. Establécense dous tipos de bolsa:

  • Bolsa total. Serán beneficiarias de bolsa total as persoas seleccionadas que non superen os 9000,00 € anuais de renda per cápita.
  • Bolsa parcial. O Concello asumirá un máximo do 95% e un mínimo do 5% do custo total das prazas do alumnado seleccionado que supere os 9.000,00 € anuais per cápita. As familias do alumnado beneficiario de bolsa parcial asumirán un mínimo do 5% e un máximo dun 95% do prezo da praza.

A renda familiar obterase por agregación das rendas de cada un dos membros computables da familia que obteñan ingresos de calquera natureza (IRPF para o ano 2021).

Páxina web:

www.coruna.gal/educacion

Contacto:

Servizo Municipal de Educación

Avenida dá Mariña 18, 2.º 15001 A Coruña

Tel. 981 184 200

educacion@coruna.gal

Publicación: BOP 24/01/2023 (extracto)

Base de Datos Nacional de Subvencións BDNS(Identif): 671391

O programa inclúe as seguintes prestacións:

  • Curso preparatorio previo á estancia de 10 horas de duración durante unha semana.
  • Xestión integral dos preparativos da viaxe e asistencia técnica ás familias.
  • Viaxe de ida e volta desde A Coruña ata o país de destino e viceversa.
  • Transporte interior, aloxamento e manutención en réxime de pensión completa en familias de acollida en destino.
  • Asistencia a clases intensivas de inmersión lingüística durante un mínimo de 15 horas semanais.
  • Desenvolvemento dun programa lectivo extraescolar e de lecer que incluirá actividades deportivas e culturais.
  • Acompañamento de monitores.
  • Seguimento e control.
  • Seguro de accidentes de responsabilidade civil.

PRESENTACIÓN DA SOLICITUDE:

  • 1º- Inscrición en liña: na web municipal a través da ficha específica do programa. Unha vez feita a inscrición o sistema elabora un xustificante de confirmación que se envía ao correo electrónico facilitado.
  • 2º- Presentación a través de Rexistro (Rexistros municipais - María Pita, Franxa, Fórum Metropolitano, Ágora e CC Mesoiro, con cita previa-, Rexistro telemático da sede electrónica municipal ou en calquera dos lugares establecidos na normativa sobre Procedemento Administrativo Común das Administracións Públicas), de:
    • Solicitude de participación (O nome da persoa solicitante debe de ser o do/da menor. A solicitude deberá estar asinada pola persoa solicitante e os seus titores legais. O impreso de solicitude é o Mod 001 solicitude xeral
    • Xustificante de confirmación da inscrición en liña
    • Documentación complementaria

Non perdas

Non perdas

Inscrición en actividades

Proceso de inscrición nas actividades. Despois de cubrir e enviar un formulario recibirás un correo electrónico de confirmación.

+INFO

Como inscribirme nunha actividade

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión