- Inicio
- Suceso
Bono Cultural Joven 2025
Axuda de 400 euros do programa Bono Cultural Joven, que se abonará en cartóns prepago personalizadas, para a adquisición de produtos, servizos e actividades culturais.
A quen vai dirixido:
Para público en xeral
Inscricións:
Dende o 16/06/2025 ata o 31/10/2025
Requisitos:
- Mozos/as que cumpran 18 anos en 2025.
- Nacionalidade española ou residencia legal en España. Igualmente, poderán ser beneficiarias aquelas persoas que sexan solicitantes de asilo en España; quen solicitase protección temporal; e persoas estranxeiras extuteladas en trámite de obtención do permiso de residencia legal en España.
- As persoas interesadas en obteren a axuda do Bono Cultural Xoven de 2025 deberán presentar a súa solicitude obrigatoriamente por medios electrónicos cubrindo o formulario dispoñible na plataforma web https://bonoculturajoven.gob.es/.
- Se a persoa interesada non cumprise xa 18 anos de idade antes da data de solicitude, utilizará para a súa identificación Cl@ve PIN con rexistro avanzado e deberá solicitala nalgunha das oficinas públicas dispostas para ese efecto, acompañada neste caso de pai, nai, titor/a ou curador/a.
Remuneración / Custo:
400 euros para adquirir os produtos, servizos e actividades culturais das seguintes categorías e cos límites máximos que se indican:
- Máximo de 200 euros para destinalo a artes en vivo, patrimonio cultural e artes audiovisuais, que inclúe entradas e abonos para artes escénicas, música en directo, cinema, museos, bens integrantes do patrimonio histórico español, bibliotecas, exposicións, festivais escénicos, literarios, musicais ou audiovisuais e espectáculos taurinos.
- Máximo de 100 euros para produtos culturais en soporte físico, que inclúe libros, revistas, prensa e publicacións periódicas, videoxogos, partituras musicais, discos de vinilo, CD, DVD e Blu-ray.
- Máximo de 100 euros para consumo dixital ou en liña, que inclúe subscricións e alugamentos a plataformas musicais, de lectura ou audiolectura, ou audiovisuais, compra de audiolibros, compra de libros dixitais, cancións ou álbums dixitais a través de plataformas de venda de música, subscrición para descarga de arquivos multimedia (podcasts), subscricións a videoxogos na nube ou en liña, e subscricións dixitais a prensa, revistas ou outras publicacións periódicas.
Páxina web:
Contacto:
Ministerio de Cultura
Consultas sobre a solicitude, o estado de tramitación ou o uso da Plataforma ou App móbil: 917 406 793 e bcj@fnmt.es
Consultas sobre o uso do cartón (activación, bloqueo, perda ou non recepción do cartón) ou con métodos de pago (compra de produtos ou servizos culturais): 910 971 223 e bonoculturaljoven@correosprepago.es
Publicación:
Base de Datos Nacional de Subvencións BDNS (Identif.): 839582
A Resolución de concesión do Bono Cultural Xoven será notificada no prazo máximo de seis meses, que contarán desde a data de presentación da solicitude. Unha vez ditada a resolución de concesión, a entidade colaboradora para a facilitación e xestión dos medios de pago emitirá as cartóns prepago, que se poderán descargar desde "a App" correspondente. No caso de que a persoa beneficiaria non dispoña dun teléfono "smartphone" ou non tivese este a tecnoloxía NFC, e así o manifestase na súa solicitude, facilitaráselle cartón ou cartóns prepago físicos.
A persoa beneficiaria poderá gastar a axuda nas tres categorías de actividades, servizos e produtos subvencionables, nas entidades adheridas ao programa, que estarán nunha listaxe polo seu nome comercial e localización na base de datos da páxina web do Bono Cultural Xoven. As persoas beneficiarias deberán subir á plataforma do Bono Cultural Xoven o comprobante electrónico ou a imaxe dixitalizada do xustificante da compra efectuada na que consten, polo menos, os seguintes datos: importe, data e nome da entidade na que se realizou.
Non perdas
-
Actividades de xullo nas Naves do Metrosidero
Cando:
Dende o 05/07/2025 ata o 29/07/2025
-
Actividades de xullo no Espazo Xuvenil O Remanso
Cando:
Dende o 12/07/2025 ata o 31/07/2025
-
Coruña en forma 2025
Cando:
Xullo e agosto de 2025
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible