Datas:

Do 30 de xuño ao 4 de xullo: "UN MUSEO BAILABLE"

• Dirixido a adolescentes de 13 a 16 anos.
• E se a sala de exposicións fose unha pista de baile, como sería esa danza?, como soarían as obras?, como nos vestiriamos se nos volvésemos "obra"? A mediadora Jara Blanco, xunto coa Plataforma BajoTeja, deseñaron unha serie de actividades para explorar a arte desde o movemento e a percepción corporal, e profundar en novas experiencias non convencionais como o camiñar, o sonoro e o téxtil.

Semanal do 30 de xuño ao 24 de xullo: "MOVER UNHA SEMENTE"

• Dirixido á infancia de 6 a 12 anos.

• Trátase dun lugar no que aprender do que nos rodea, activando á vez o pensamento e a imaxinación a través das nosas mans. Durante catro semanas, diferentes sementes serán as nosas mestras. A partir delas e con axuda das mans, seguiremos os seus procesos para xogar e crear. Este campamento está vinculado ao proxecto de investigación Tercer Maestro, que explora as interseccións entre Arte e Aprendizaxe en colaboración coa Fundación Cerezales Antonino e Cinia e Nicolás Paris.