A sala de exposicións Plataforma14 acolle a exposición "Colaxe Mixta" da artista Miryam Pato (Ourense, 1985).

A proposta expositiva contempla unha serie de pezas plásticas, multimedia e escultóricas, traballadas baixo a técnica da colaxe analóxica. Como nun exercicio de reciclaxe, a artista rescata imaxes para darlles un novo sentido, revalorizandoas ata convertilas nunha peza artística.

As novas formas, buscan continuidade, por medo do contraste da luz, das cores e das texturas.

Miryam Pato é unha artista multidisciplinar nada en Ourense, e residente na Coruña, onde se formou en diferentes campos do sector audiovisual e das artes plásticas. Na actualidade experimenta novas técnicas, para  o desenvolvemento de colaxes animados.

A exposición poderase visitar do 7 febreiro ata o 12 de marzo no Fórum Metropolitano.

A sala Plataforma14, que está coordinada polo Centro Municipal de Información Xuvenil, pretende visibilizar a creación realizada polos/as artistas emerxentes da nosa cidade.

Toda a información sobre este espazo pode atoparse na web www.coruna.gal/cmix/plataforma14