Todas as obras baséanse na unión conceptual de imaxes sacadas de contexto para crear novas imaxes e novas ideas. A selección de corpos, caras e obxectos de fotografías comerciais ou de arquivo é recontextualizada para ser expresión artística de ideas novas nun contexto histórico de saturación de imaxes, tanto no mundo físico como no mundo dixital. Nun entorno onde todo está inventado, a creación a partir de pezas xa producidas é a expresión da renovación histórico do arte visual e do collage como técnica. De aquí nace o interés do artista por este tipo de composición para transmitir novos conceptos, ideas e paisaxes.

A exposición ábrese ao público ás 19:00  horas do 21 de novembro e estará aberta ata o  ao 21 de decembro.

A sala Plataforma14, pertencente á Concellaría de Participación e Innovación Democrática e coordinada polo Centro Municipal de Información Xuvenil, pretende visibilizar a creación realizada polos/as artistas emerxentes da nosa cidade.

Toda a información sobre este espazo pode atoparse na web www.coruna.gal/cmix/plataforma14