O título desta mostra alude á liña como elemento básico esencial nas artes plásticas e, particularmente, no debuxo, técnica que predomina entre as obras aquí expostas.

Pero neste caso serve tamén como metáfora da situación vital dos novísimos e novísimas artistas que aquí amosan os seus traballos, e que rematan neste curso o Bacharelato de Artes para iniciaren unha carreira de fondo cara o seu futuro profesional.

Baixo o nome de "Liña de Saída" amósanse máis de cincuenta obras, a maioría sobre papel, producidas por outros tantos estudantes que reflexan unha pequena parte do traballo realizado durante este curso: debuxos a grafito, tinta, acuarela e acrílico, retratos, bodegóns, exploracións de técnicas e estilos, e homenaxes aos mestres, ademáis de libros de artista e outras pezas escultóricas.