CONTIDOS

Os contidos da proba están integrados nos seguintes ámbitos:

• Ámbito científico-tecnolóxico, no que se integran os aspectos básicos do currículo referidos ás materias de Física e Química, de Bioloxía e Xeoloxía, de Matemáticas, e de Tecnoloxía e Dixitalización.
• Ámbito social, no que se integran os aspectos básicos do currículo referidos ás materias de Xeografía e Historia, e de Educación en Valores Cívicos e Éticos.
• Ámbito da comunicación, no que se integran os aspectos básicos do currículo referidos ás materias de Lingua Galega e Literatura, de Lingua Castelá e Literatura e de Lingua Estranxeira (inglés ou francés).

PRAZO, FORMA E LUGAR DE PRESENTACIÓN DE SOLICITUDES DE INSCRICIÓN

• Convocatoria de abril: do 10 ao 21 de febreiro de 2025, ambos os dous incluídos.
  • 7 de marzo: listaxes de persoas admitidas e excluídas e o centro en que debe realizar a proba.
• Convocatoria de xuño: do 31 de marzo ao 10 de abril de 2025, ambos os dous incluídos.
  • 29 de abril: listaxes de persoas admitidas e excluídas e o centro en que debe realizar a proba.

* As persoas matriculadas para a 1ª convocatoria que non superen a totalidade dos ámbitos da proba consideraranse matriculadas para a 2ª convocatoria sen que teñan que presentar nova documentación.

As solicitudes de inscrición deberán presentarse presencialmente nos centros educativos sinalados ou en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia, https://sede.xunta.gal/ (código de procedemento ED540A), dirixido á Dirección Xeral de Formación Profesional da Consellería de Educación, Ciencia, Universidades e Formación Profesional.

Na Coruña: EPAPU Eduardo Pondal, rúa da Educación, 3, 2º. 15011- A Coruña. Tel.: 881 960 901

LUGARES REALIZACIÓN PROBA

Constituiranse sedes para a realización da proba nas seguintes localidades: A Coruña, Ferrol, Santiago de Compostela, Lugo, Ourense, Pontevedra e Vigo. A relación dos centros educativos que actúen como sedes de exame publicaranse xunto coa lista de persoas admitidas e excluídas.

DATAS DAS PROBAS

En sesións de mañá e tarde: de 9:00-13:15h e de 16:00-19:00h.

• 11 de abril de 2025
• 6 de xuño de 2025