Concello da Coruña

Concello da Coruña

Información Xuvenil

Área de Benestar Social

Programa de autoformación e probas para obter o certificado de competencias dixitais ComDix nivel de iniciación

A Axencia para a Modernización Tecnolóxica de Galicia convoca unha proba para a obtención do certificado galego en competencias dixitais (ComDix). Esta proba compleméntase coa posta á disposición das persoas interesadas de contidos en liña en réxime de autoformación para adquirir os coñecementos que servirán de referencia antes de presentarse á proba.

A quen vai dirixido:

Para público en xeral

Inscricións:

Edición de outubro 2024: ata o 18 de setembro. Edición de novembro 2024: ata o 18 de outubro.

Prezo:

A matriculación na presente convocatoria estará exenta do pagamento de taxas.

Requisitos:

Poden acceder aos contidos das actividades do programa de autoformación, sen pasar por ningún proceso de selección, todas aquelas persoas que cumpran cos seguintes requisitos:

  • Ser maiores de 16 anos.
  • Estar dadas de alta como usuario/a da Rede CeMIT
  • O acceso aos contidos pode realizarse en calquera momento e estarán dispoñibles permanentemente na plataforma de teleformación da Rede CeMIT
  • Cada persoa determinará libremente as actividades formativas en que quere inscribirse e o período durante o cal vai traballar na actividade ou actividades do programa de autoformación elixidas.
  • O acceso aos contidos das actividades do programa de autoformación non implica a obriga de presentarse ás probas de certificación nin é tampouco un requisito para matricularse nelas.
  • A realización total ou parcial do itinerario formativo non dá dereito á expedición do certificado de competencias dixitais (ComDix), que se obterá unicamente pola superación da proba de certificación.

As persoas que desexen participar nas probas de certificación deberán:

  • Ser maiores de 16 anos.
  • Darse de alta como usuario/a da Rede CeMIT, para o que é imprescindible facilitar unha conta persoal de correo electrónico.
  • Inscribirse na páxina web do CeMIT.

Páxina web:

https://competenciasdixitais.xunta.gal/

Contacto:

Centro de Innovación Cultural e Modernización Tecnolóxica de Galicia. Cidade da Cultura de Galicia

Monte Gaiás s/n. Santiago de Compostela. 

Tel. 981 54 52 71

Publicación: DOG 02/09/2024

Documentos:

Resumo convocatoria (117 KB)

Itinerario formativo. As actividades do programa de autoformación conforman un itinerario formativo composto polos 7 cursos seguintes:

  • Empezamos! Que nivel de competencias teño? Introdución ao Marco galego de competencias dixitais (10 horas)
  • ComDix iniciación I: coñece a contorna dixital (25 horas)
  • ComDix iniciación II: ten a información dixital sempre á man; buscar, seleccionar e gardar (35 horas)
  • ComDix iniciación III: tecnoloxías dixitais para conversar, compartir e colaborar (40 horas)
  • ComDix iniciación IV: participa na sociedade dixital; as vantaxes da administración electrónica (50 horas)
  • ComDix iniciación V: crea contidos dixitais con ferramentas ofimáticas e multimedia (50 horas)
  • ComDix iniciación VI: atopa o benestar dixital; tecnoloxía con sentidiño (40 horas)

Cada unha das actividades está composta de contidos multimedia actualizados, material complementario e cuestionarios de corrección automática ou actividades interactivas que facilitan unha aprendizaxe autónoma máis efectiva e que están relacionadas coas competencias derivadas do Marco galego de competencias dixitais. Matricularse nun curso non obriga á súa realización total, e poderán consultarse os seus contidos de forma parcial sen completar a totalidade das actividades que o compoñen.

Probas de certificación. Convócanse dúas edicións de probas de certificación presencial, nos meses de outubro e novembro de 2024. Datas na Coruña:

  • A Coruña - Eirís, mércores 20 de novembro 10.00h.
  • A Coruña - Eirís, mércores 20 de novembro 12.00h.
  • A Coruña - Eirís, xoves 21 de novembro 16.00h.

Non perdas

Non perdas

Inscrición en actividades

Proceso de inscrición nas actividades. Despois de cubrir e enviar un formulario recibirás un correo electrónico de confirmación.

+INFO

Como inscribirme nunha actividade

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión