-> PRAZAS ESGOTADAS!!

Normalización Lingüística do Concello da Coruña organiza, dentro do programa Falamos secundaria, esta actividade que se dirixe ao alumnado dos IES e os CIFP do concello da Coruña. Se non se cubrisen as prazas, abrirase un segundo prazo en que poderán participar tamén centros de fóra da cidade. Cada grupo participante deberá estar acompañado mínimo por unha persoa responsable do centro.

O mércores 13 de novembro, no auditorio do Centro Ágora, haberá dúas sesións desta actividade: unha ás 10.00 e outra ás 12.00 h. Terán unha duración de arredor de 60 a 75 minutos cada unha.

Para participar, cada centro da Coruña deberá remitir, desde o venres 18 de outubro, un correo a lingua@coruna.es cos seguintes datos:

-Nome e teléfono do profesorado que vai vir á actividade acompañando o alumnado, e a sesión á que queren asistir.

-Número de alumnas e alumnos que van vir e indicación do curso a que corresponden.

Se non se cubrisen as prazas ofertadas, o luns 28 de outubro abrirase un novo prazo onde tamén se poderán inscribir centros de fóra da cidade que nos achegarán a mesma información antes indicada.

Máis info en: https://i.gal/oyhub

Acompañádenos na descuberta da Coruña máis descoñecida que, de tan evidente, non somos quen de ver.

Nesta viaxe virtual contamos cun precioso instrumento: a lingua galega, potente localizador que nos conducirá cara ao Xogadoiro, á Coiramia, ás Cernadas, ao Camiño Novo, ao Campo do Carballo, a Alcabaleiros, a Rabaleira e a outras moitas xeografías (ocultas) da cidade que habitamos.