Obra teatral con actores, monicreques e músicos que a modo de opereta e partindo do romance popularizado por Don Faustino Santalicese incorporando cancións e músicas do folclore galego conta un dos milagres atribuídos ao Apóstolo Santiago que narra a viaxe do peregrino francés Gaiferos de Monmarltan ata a súa morte aos pes do santo na Catedral compostelá.

Nesa viaxe atemporal atoparase con diferentes personaxes como Exeria a dama peregrina á Xerusalén, un arrieiro maragato, uns cómicos italianos, un demo que unha e outra vez quere desvialo do seu camiño ofrecéndolle todo tipo de praceres mundanos e ata unha reporteira da televisión galega aos que se incorporan diferentes personaxes arquetipos dos diversos peregrinos que viaxan á Compostela como un faquir hindú co seu elefante, un escocés, un portugués, unha andaluza flamenca así como lendas, costumes, lugares e monumentos representativos do feito xacobeo ata finalizar aos pes do Apóstolo Santiago no Pórtico da Gloria.

Intérpretes: Marian Gonzalez, Isabel G. Coldeira, Borxa Insua, Ero Vázquez, Marcelino de Santiago, Antía Ameixeiras e Sabela Caamaño.

Autoría: Marcelino de Santiago

Dirección: Isabel Rey

Adaptación: Isabel Rey e Kukas

Escenografía e vestiario: Marcelino de Santiago (Kukas)

Deseño de iluminación: Miguel Cabaleiro

Música: Popular, Antía Ameixeiras e Sabela Caamaño

VENDA DE ENTRADAS

Despacho de billetes Praza de Ourense (excepto festivos): de luns a xoves de 10.00 h a 14.00 h e de 15.00 h a 18.00 h / venres de 10.00 h a 15.00 h

Despacho de billetes Forum Metropolitano: desde unha hora antes do inicio do espectáculo (sempre que queden entradas dispoñibles)

Venda en liña: Ataquilla.com