Concello da Coruña

Concello da Coruña

Obrigas básicas

Se decides adoptar algún dos nosos animais debes saber que as obrigas básicas legais son as seguintes:

  1. Vacinación / identificación / desparasitación
  2. En caso de ser potencialmente perigoso, ter licenza municipal para a tenza e inscribilo no Rexistro Municipal de animais potencialmente perigosos.
  3. Tratalos humanitariamente.
  4. Dispoñer dun espazo apropiado, cómodo e cerrado sen opción de que o animal se poida escapar ou se cause dano.
  5. Mantelos en boas condicións hixiénico-sanitarias.
  6. Proporcionarlles alimentación e auga en consonancia co tipo do animal.
  7. Responsabilizarse dos danos que ocasionen.

Boas prácticas

Beneficios da adopción:

  • Beneficios sociais:
    1. Redución do número de animais sacrificados por abandono
    2. Axuda a educar a sociedade no amor aos animais
    3. Redución de sentimentos de soidade e illamento en diversos grupos sociais (anciáns, grupos marxinais etc.)
  • Beneficios persoais:
    1. Sentimento de responsabilidade e autoestima
    2. Fomento de relacións sociais, respecto e convivencia
    3. Redución de sentimentos de soidade e illamento

Con todo, antes de decidirte debes cuestionarte:

  • Es consciente de que o animal crece e telo que educar?
  • Tes o tempo suficiente para atendelo e sacalo a pasear?
  • Todas as persoas que viven na casa están de acordo?
  • Estás disposto/a a asumir os gastos que supón ter un animal?
  • Onde deixarei o meu animal cando cheguen as vacacións?

O animal que vas adoptar é un ser vivo, trátao como tal:

  • Ofrécelle agarimo, espazo e comida.
  • Lévao sempre atado, e con boceira se é necesario.
  • Os excrementos son a túa responsabilidade, recólleos.
  • Os ladridos poden molestar, respecta o horario nocturno.
  • Lévao ao veterinario cando o necesite.
  • Identifícao con microchip.
  • Non o abandones, é o teu mellor amigo.
  • Respecta o calendario de vacinacións.
  • Cando o animal faleza, contacta cun xestor autorizado para a súa recollida.
  • O seguro é a túa responsabilidade.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión