Trilitrate é unha banda que somete cada nota a un rigoroso proceso de destilación, disolución e combinación das súas influencias, desdebuxando as liñas existentes entre o clásico, a música étnica, a contemporánea, a improvisación libre, o jazz, o hardcore...

Fúndase en Vigo no ano 2012 pola violinista Elena Vázquez (Cuarteto Dumka, Adoitan Estar Quartet, Peña), Marcos Padrón ao acordeón (Orquestra O.M.E.Ga, Cuarteto Caramuxo) e por Rubén Abad na guitarra e voz (Cró!, Es un árbol, Guerrera, Peña). En 2013 incorpórase a videoartista Laura Iturralde e realizan a gravación do seu primeiro disco, «Faláchesme na Man».

Actualmente, e tras a incorporación de Montse Piñeiro (debuxante, escenógrafa, iluminadora e animadora de stop-motion, premio María Casares 2018 á mellor escenografía) como nova xeradora da arte visual, atópanse embarcados na presentación do seu terceiro disco, «Está de Grelo».

As persoas que desexen asistir a algunha das dúas sesións de Trilitrate que terán lugar no Planetario da Casa das Ciencias o venres 30 de agosto deberán adquirir entradas nesta páxina.

>> Actividade non apta para persoas con fotosensibilidade visual