12 de decembro de 2022
Está formada por 15 fotografías e un vídeo no que se mostran especies de cetáceos do Atlántico.
As imaxes, realizadas durante 2021 e 2022 nas Illas Azores e na costa galega polo biólogo mariño Anxo Cao, mostran diferentes detalles destes mamíferos mariños, como a grande aleta caudal dun cachalote cando se mergulla para cazar nas profundidades, as acrobacias no aire dos arroaces, o soplido vertical dun rorcual boreal, unha cría de golfiño común saltando na auga, un grupo de orcas nadando fronte ao faro de Fisterra, ou o avistamento dunha balea azul, o animal máis grande do planeta.
Con esta exposición o Aquarium Finisterrae quere sumarse ao chamamento de Nacións Unidas para alcanzar os Obxectivos de Desenvolvemento Sostible en 2030, en especial no obxectivo 14, que se centra en "Conservar e utilizar de forma sostible os océanos, os mares e os recursos mariños". A exposición «Avistamentos atlánticos» desexa contribuír fomentando o coñecemento e uso da biodiversidade mariña a través da práctica de turismo sostible.
Anxo Cao, nacido en San Cibrao, cursou bioloxía na Universidade da Coruña e acabou os seus estudos nas Illas Azores. É neste arquipélago portugués onde comeza a traballar como biólogo e guía na actividade de avistamento de cetáceos. Tamén colabora coa Coordinadora para o Estudo dos Mamíferos Mariños (CEMMA).
Aquarium Finisterrae. Paseo Alcalde Francisco Vázquez 34. 15002 A Coruña
21 de marzo de 2024
A Casa das Ciencias, a Domus e o Aquarium Finisterrae abren todos os días de 10.00 a 19.00 horas.
7 de marzo de 2024
Trátase dunha vela realizada por escolares do CEIP Isidro Parga Pondal de Santa Cruz, Oleiros, con deseños e mensaxes sobre a conservación do planeta.
6 de febreiro de 2024
Para visitar o Aquarium ou asistir a unha sesión de Planetario será imprescindible realizar unha reserva de entradas, que poderá facerse desde o sábado 10 de febreiro. A entrada á Domus será libre.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible