O Aquarium Finisterrae acolle, o vindeiro sábado 6 de abril, unha xornada de talleres científicos con experimentos e xogos relacionados co mar e cos seus habitantes. Profesorado e alumnado da Universidade da Coruña (UDC) ofreceranlle ao público catro actividades en horario de 10.00 a 14.00 e de 16.00 a 19.00 horas (o acceso ao Aquarium pecha ás 18.00 horas):

• Anatomía dun peixe
• O sabor do mar
• Mar de plástico
• Anisakis e outros vermes mariños

Con esta iniciativa, a UDC quere celebrar o vixésimo aniversario do Aquarium Finisterrae (cumpre 20 anos o 5 de xuño), expoñéndolle ao público como afecta o océano ás nosas vidas e sobre como a nosa cultura impacta sobre este medio.

A participación nesta actividade será libre e gratuíta. Deberase aboar só a entrada correspondente ao Aquarium.

A actividade está organizada polo grupo UDCiencia (de divulgación e innovación docente) da UDC.