Este evento está dirixido a público xeral, maior de 8 anos, e estará dedicado a explorar o cinema de animación, os efectos visuais e a intelixencia artificial.

Na sesión intervirán:

- Mundos Dixitais, organizador do Congreso Internacional de animación, efectos visuais e nova media, mostrará como é o mundo da animación e os efectos visuais.

- A produtora Emotional Films convidará a falar cos seus avatares en tempo real e a coñecer as súas películas personalizadas ao instante con intelixencia artificial.

- O estudio coruñés Antaruxa, gañador do Goya pola película de animación «Valentina», descubrirá ao público o mundo da animación.

A actividade está englobada nas xornadas educativas STEAMDomus outono que inclúen diversas sesións para escolares e profesorado. Trátase dun programa que busca promover a importancia das artes na educación en ciencia, tecnoloxía, enxeñaría e matemáticas á hora de proporcionar unha educación máis completa e unha visión máis ampla do futuro laboral da mocidade.

Proxecto subvencionado pola Consellaría de Cultura, Educación, Formación Profesional e Universidades da Xunta de Galicia.