7 de febreiro de 2020
Do 11 ao 15 de febreiro haberá charlas de cultura científica, un taller para escolares e un encontro con investigadoras.
As actividades comezarán o martes 11 de febreiro, Día Internacional da Muller e a Nena na Ciencia, co ciclo de charlas de cultura científica «Estrelecidas», coordinado pola escritora e divulgadora Estíbaliz Espinosa.
As charlas de «Estrelecidas», que se realizarán na Domus ás 20:30 horas, serán as seguintes:
Ademais destas charlas, o mércores 12 de febreiro, ás 11.00 horas, haberá un taller sobre o ADN, organizado pola Asociación Española contra o Cancro, ao que asistirá un grupo escolar de Primaria, do CEIP Eusebio da Guarda da Coruña. A actividade consistirá en extraer o ADN dunha froita, e en realizar un xogo de cartas no que se emparellarán científicas importantes na historia cos seus fitos máis relevantes.
Tamén o mércores 12, ás 19.30 horas, terá lugar a charla titulada «Cancro de pulmón: exemplo de éxito de oncoloxía de precisión», a cargo da doutora Rosario García Campelo, oncóloga no Complexo Hospitalario Universitario da Coruña. Organizada por CorBi Foundation.
E o sábado 15, ás 12.00 horas, a Unidade de Divulgación Científica da Universidade da Coruña organiza a actividade Atrévete a investigar con elas!, dirixida a público familiar. Trátase de compartir espazo con catro investigadoras da UDC para coñecer a súa traxectoria científica e vital, os seus logros profesionais e algunhas anécdotas que viviron co obxecto de incentivar entre as persoas asistentes a curiosidade pola profesión de investigadora e científica. Estas son as científicas participantes:
- María Carreiro Otero, investigadora do Grupo de Arquitectura e Urbanismo Sustentable (GAUS).
- Carmen de Labra Pinedo, investigadora do grupo Neurociencia e Control Motor (NEUROcom).
- Teresa López, investigadora do grupo Investigación Lingüística e Literaria Galega (ILLA).
- Vanessa Valdeiglesias García, investigadora do programa Beatriz Galindo e do grupo Diagnóstico Conductual e Molecular Aplicado á Saúde (DICOMOSA).
A entrada ás charlas e as actividades do sábado 15 é libre, ata completar a capacidade da sala.
21 de marzo de 2024
A Casa das Ciencias, a Domus e o Aquarium Finisterrae abren todos os días de 10.00 a 19.00 horas.
7 de marzo de 2024
Trátase dunha vela realizada por escolares do CEIP Isidro Parga Pondal de Santa Cruz, Oleiros, con deseños e mensaxes sobre a conservación do planeta.
6 de febreiro de 2024
Para visitar o Aquarium ou asistir a unha sesión de Planetario será imprescindible realizar unha reserva de entradas, que poderá facerse desde o sábado 10 de febreiro. A entrada á Domus será libre.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible