A cuarta e última sesión deste ciclo de espectáculos de música electrónica estará a cargo do DJ coruñés DSVS, e terá lugar o 21 de decembro no Planetario da Casa das Ciencias, ás 21.00 horas.

O prezo da entrada é de 4 euros. A reserva de entradas terá lugar a partir do 10 de decembro ás 10.00 horas mediante este formulario electrónico. Cada persoa poderá reservar 2 entradas. Prazas limitadas a 70. Recomendado para persoas maiores de 10 anos.

Unha vez confirmadas as reservas, as entradas deberán retirarse antes do 16 de decembro na recepción da Casa das Ciencias (de 10.00 a 18.30 horas). As entradas que non se retiraron nese momento pasarán ás persoas que se atopen en lista de espera.

DVSV

É o aka de Diego Vila, DJ coruñés dedicado principalmente á música electrónica experimental, ao ambient e ao IDM. As súas sesións buscan recrear unha atmosfera temporal única construída a base de capas nas que adoitan prevalecer as texturas sonoras sobre o ritmo.