Concello da Coruña

Concello da Coruña

Cando:

25 de setembro de 2021

Ditame do xurado dos Prismas á Divulgación 2021

Foron outorgados os Prismas de Bronce nas oito categorías do premio.

O xurado, reunido entre os días 24 e 25 de setembro, decidiu outorgar os Prismas de Bronce nas oito categorías do premio aos seguintes traballos:

  • Mellor traballo en vídeo: The melting point, de Phorus Producciones. O xurado destaca a calidade desta produción que aborda un tema urxente con rigor e emoción e unha coidada factura visual.
  • Mellor novo medio: The Conversation España, por levar a voz da comunidade científica ao gran público nun formato accesible e sempre pendente da actualidade.
  • Mellor texto inédito: Pioneras en geología, de Guiomar Calvo Sevillano, por rescatar a historia das mulleres que contribuíron ao progreso da xeoloxía nun exhaustivo traballo de investigación.
  • Mellor libro editado: Eso no estaba en mi libro de Botánica, de Rosa Porcel en Editorial Guadalmazán, por trasladar a súa paixón pola vida das plantas nun relato fascinante, cun estilo desenfadado e sen renunciar ao rigor.
  • Mellor artigo xornalístico: El año de la ciencia, publicado en El País por Patricia Fernández de Lis, por ser unha lúcida reportaxe que analiza con solidez e da man das súas persoas protagonistas as complexas relacións entre ciencia e sociedade nun ano excepcional.
  • Mellor traballo en radio: Las científicas del coronavirus, retratos sonoros de una pandemia, de Núria Jar Benabarre para Agencia SINC, por ofrecer unha equilibrada mestura de crónica persoal e información sobre o traballo das mulleres investigadoras durante a pandemia.
  • Mellor proxecto singular: Odour Collet, de Rosa Arias, un proxecto desenvolvido en múltiples formatos, tanto presenciais como en liña. O xurado destacou a súa orixinalidade abordando un problema de contaminación pouco visible coas ferramentas da ciencia cidadá.

Ademais, o xurado decidiu outorgarlle o Prisma Especial do Xurado a José Manuel López Nicolás, polo seu activo compromiso coa divulgación científica a través de múltiples formatos.

Tamén se decidiu outorgar as seguintes mencións honoríficas:

  • Na modalidade de artigo xornalístico: La zona muerta, de Laura González de Rivera, publicado en Muy Interesante.
  • Na modalidade de proxecto singular: Cuéntame cómo dedicarme a la ciencia, de Yiomara Cantera Arranz para o Museo Nacional de Ciencias Naturais - CSIC.

Composición do xurado:

Presidente: Javier Salas Quesada, xornalista científico en Materia - El País.

Estivo composto ademais por:

Mila Méndez Otero, xornalista de La Voz de Galicia.

Cintia Refojo Seronero, xefa de unidade de Educación Científica na Fundación Española para a Ciencia e a Tecnoloxía.

Estíbaliz Espinosa Río, socióloga, escritora e divulgadora científica.

Ángel Vidal Figueroa, investigador na Universidade de Santiago de Compostela.

Cristina Sáez Torres, xornalista especializada en divulgación científica.

Marcos Pérez Maldonado, xefe de servizo dos Museos Científicos Coruñeses, que actuou como secretario.

Novidades

Noticias

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión