O "biohut" é unha instalación formada por un sistema de gaiolas e un núcleo de pedra volcánica no que poden atopar aloxamento larvas e pequenos organismos que chegan ao Aquarium procedentes da captación de auga situada na baía coruñesa. Quedará instalado no Piscinarium onde viven as focas para estudar o seu proceso de colonización natural, para o que periodicamente se gravarán vídeos.

Esta iniciativa enmárcase no proxecto europeo Ocean Connections: Developing Ocean Literacy through Creative Dixital Pedagogies, que finaliza en 2021, para avaliar o uso de técnicas de realidade virtual inmersiva 360º e de realidade aumentada, desenvolvidas para este proxecto polo CESGA. Tamén para valorar pedagoxías creativas na educación sobre o medio mariño nas escolas, que enriquezan a aprendizaxe do alumnado con estas tecnoloxías.

O Aquarium Finisterrae participa neste proxecto europeo xunto ao CPI O Cruce de Cerceda, o Centro de Supercomputación de Galicia (CESGA) e varias escolas, acuarios e universidades do Reino Unido e Dinamarca.