Durante esta xornada, que se realizará o próximo 21 de abril ás 11:00 horas no Aquarium Finisterrae, varios/as profesionais ligados/as ao mar e á vida mariña falaranlles ás persoas participantes sobre fenómenos naturais e acontecementos que teñen lugar na costa coruñesa.

Antonio Vilar, biólogo da Casa dos Peixes, presentará aspectos curiosos da fauna mariña. Elia Pérez, ornitóloga da Sociedade Española de Ornitoloxía (SENO), falará sobre as aves mariñas que habitan nos ecosistemas costeiros coruñeses. E Marcos Alfeirán, patrón do barco de cerco «Sazón» falará sobre pesca e as características náuticas da costa da Coruña.

A xornada está pensada para persoas maiores de 14 anos que terán acceso gratuíto ao Aquarium Finisterrae, ata completar a capacidade (60 persoas).

Esta Xornada de Ciencia Cidadá forma parte das iniciativas do Concello da Coruña para a recuperación e o desenvolvemento dos terreos que conforman o bordo litoral.