Concello da Coruña

Concello da Coruña

Finalizados os traballos de axardinamento da área infantil do Ventorrillo

A mellora da contorna verde do parque infantil do Ventorrillo forma parte das tres fases de acondicionamento previstas na zona (xardín infantil, corredor e praza Salvador de Madariaga) cuxa execución se completará a finais do mes de marzo.

A quen vai dirixido:

Para público en xeral

Cando:

Dende o 07/02/2023 ata o 31/03/2023

Xa rematou

O pasado 31 de xaneiro finalizaron os traballos de reforma e mellora da zona verde que arrodea a área infantil do Ventorrillo, que se desenvolveron ao longo da segunda quincena de xaneiro.

As obras supuxeron a mellora dos macizos arbustivos, do céspede e a substitución de distintos exemplares secos. Reparáronse e actualizáronse os sistemas regadura da praza, substituíronse varios emisores e un programador obsoletos, realizouse un saneamento dos macizos que arrodean a área infantil e recuperouse o deseño perdido, retiráronse varios exemplares de tuia, teixo e Leptospermum secos, para permitir unha maior entrada de luz na praza, e completáronse os debuxos dos macizos existentes con masas arbustivas Abelia Caleidoskope e Nandina Gulf Stream. Volvéronse sementar,ademais, as zonas de céspede afectadas pola sombra proxectada pola vexetación vella.

Tallouse tamén un pradairo (Acer saccharinum) que invadía a fachada dun edificio próximo e que se substituíu por dous exemplares de Betula multitronco.

A empresa que realizou os traballos é Contorna, Técnicas Construtivas, SL, e o importe das tarefas foi de 43.492,39 € (IVE incluído).

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión