Unha vez finalizado o trámite previsto na convocatoria publicada no BOP do 1 de agosto do 2014 e esgotada igualmente a prórroga concedida mediante acordo da Xunta de Goberno Local do 29 de setembro do 2014, procédese á publicación da lista provisional de persoas admitidas e excluídas e conceder o prazo de corrección de erros das presentadas ata a data.

Sen prexuízo de que o prazo continúa aberto para novas solicitudes, dado que non se esgotaron o total de hortas dispoñibles, non é necesario proceder ao sorteo previsto nas bases nin á asignación proporcional por grupo de solicitante.

Tendo en conta que existen hortas dispoñibles, non se considera necesario publicar a lista de persoas admitidas, senón tan só a das excluídas e daquelas que deben emendar a solicitude presentada no prazo de 10 días, pois todas as que non se detallen a continuación como excluídas ou con necesidade de completar solicitude están admitidas.

Posto que segue aberto o prazo de presentación, en diante serán resoltas individualmente cada solicitude presentada ata esgotar o total de hortas dispoñibles.

Máis información no documento adxunto.