Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

24 de xaneiro de 2020

Medio Ambiente organizará 420 actividades para concienciar sobre a loita contra o cambio climático e o respecto á contorna

A concelleira Esther Fontán presentou esta mañá a programación do Día Mundial da Educación Ambiental, en que a súa concellería se dirixe aos centros educativos e ao público xeral con visitas guiadas polas zonas verdes, rutas polo literal, limpeza de praias, cursos e obradoiros

A concelleira de Medio Ambiente, Esther Fontán, presentou esta mañá o programa de educación ambiental coincidindo co Día Mundial, que se conmemora este domingo e que incide nesa labor de concienciación e sensibilización que se pretende desde a concellería para ser punta de lanza do debate e iniciativas na loita contra o cambio climático: "Queremos introducir máis alternativas de participación e de divulgación". Serán en total 420 actividades e 1.500 horas de monitorado dirixidas a toda a cidadanía con diferentes contidos. A edila explicou que unha parte está pensada para os centros educativos con visitas guiadas; outra terá como escenario as praias; e outra constituirana eventos complementarios "para que as persoas coñezan e comprendan cal é o noso papel na conservación ambiental e para facilitar o cambio de actitudes de cara a conseguir un maior compromiso mais, sobre todo, para que se acheguen ás peculiaridades do noso medio, desde o sistema de abastecemento de augas ao tratamento de residuos pasando polo noso rico ecosistema mariño, a flora e fauna propia do noso contorno, a calidade do aire...".

Para iso, Medio Ambiente desenvolverá distintos bloques con oito programas para os colexios: ciclo da auga, cambio climático, enerxía, economía circular, residuos e consumo, calidade ambiental, espazos verdes e diversidade biolóxica, xunto aos novos apartados de mobilidade e benestar animal. As visitas guiadas organizaranse desde o 7 de febreiro para persoas de todas as idades en lugares emblemáticos como o monte e as illas de San Pedro, a Torre de Hércules e Punta Herminia, as hortas, a lagoa de Eirís, os puntos de observación de aves, o centro de acollida de animais e o encoro de Cecebre e mais as novidades deste ano de Méndez Núñez e Santa Margarida, "co fin de que a cidadanía saiba da riqueza que temos alí". A única condición é que se dea xuntado un grupo de cinco persoas como mínimo para realizalas.

Canto aos areais, as citas de concienciación daranse en Riazor-Orzán con rutas para que as pequenas e os pequenos coñezan o litoral e unha campaña de sensibilización e limpeza da praia de Bens, que é a novidade deste ano. As actividades terán lugar no período de vacacións, do 1 de xullo ao 31 agosto, e completaranse cunha oferta de cursos, obradoiros e eventos ambientais cos que celebrarmos efemérides como o Día da Árbore ou o dos Océanos: "Este ano apostaremos pola Semana do Medio Ambiente en xuño e teremos presenza nas actividades culturais e deportivas, onde trataremos de sensibilizar a cidadanía sobre que todo é posible con respecto e unha interactuación co medio". A información do programa difundirase a través das seis publicacións dixitais que están na web e nas redes sociais, "intentaremos manter un nivel informativo que sexa facilmente entendible pola veciñanza, co fin de espertarlle un interese por consultar a nosa páxina e por asistir ás actividades que, por outra parte, iremos incrementando".

Puntos limpos

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión