30 de abril de 2020
A concellería faille un chamamento á cidadanía para que se cumpran os horarios e non se depositen os residuos antes de que cheguen os vehículos de recollida
A Concellería de Medio Ambiente anunciou esta mañá que reactivará o servizo do Punto Limpo Móbil desde o vindeiro martes 4 de maio. A posta en marcha deste dispositivo forma parte do paquete de medidas incluídas na fase 0 do Plan para a transición cara á unha nova normalidade (desescalada). As persoas responsables da concellería consideran que se dan as condicións para que se reabra, xa que o comportamento das coruñesas e coruñeses respecto ao depósito de residuos neste mes e medio de confinamento foi bastante exemplar, salvo certas excepcións. É necesario, explican, poñer de novo en marcha o servizo porque se acumularon nos domicilios algúns residuos que non se poden nin deben depositar nos contedores da rúa, debido a que o seu destino final son os puntos limpos.
Tomaranse as medidas necesarias para que o persoal traballador en contacto co servizo cumpra todas as medidas sanitarias necesarias para desempeñar as súas funcións. Deste xeito, explican, garántese a súa seguridade e a das persoas usuarias.
A concellería faille un chamamento á cidadanía para que se cumpra o horario e non se depositen os residuos antes de que cheguen os vehículos de recollida. O horario será de 09.00 a 14.15 horas, de martes a sábado e fixouse o seguinte calendario:
Maio 2020
5, 6 e 7 - Praza de Pablo Iglesias
8 e 9 - Campo da Estrada (lateral da residencia militar) 12 e 13 - Gaiteira, 31 (zona peonil)
14 e 15 - r/ Luis Seoane (Novos Ministerios)
16 - Illas Sisargas, fronte a Eroski (Mesoiro)
9, 20 e 21 - Avda. de Cádiz (parque infantil, Lonzas)
22 e 23 - Avenida da Pasaxe, 25-33 (Os Castros)
26, 27 e 28 - Audiencia Provincial
29 - Vioño (esquina da avda. de Arteixo coa rolda de Outeiro)
30 - Praza Elíptica (Os Rosales)
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible