Concello da Coruña

Concello da Coruña

Cando:

26 de marzo de 2021

O Concello apagará a iluminación da Torre de Hércules e do Pazo de María Pita con motivo da Hora do Planeta

A alcaldesa, Inés Rey, valorou a iniciativa como “un xesto simbólico cunha razón importantísima como é a de frear o cambio climático” e lembrou que o Concello da Coruña loita a diario, “poñendo en marcha políticas sustentables”, para reducir as emisións contaminantes na cidade

O Concello da Coruña súmase á conmemoración da Hora do Planeta apagando mañá as luces dos monumentos e edificios máis emblemáticos da cidade. Así, desde as 20.30 ás 21.30 h deste sábado a Torre de Hércules ou o Pazo municipal de María Pita quedarán ás escuras para contribuír con esta iniciativa de WWF a nivel mundial que busca chamar a atención de xeito simbólico sobre o cambio climático.

A alcaldesa, Inés Rey, valorou a iniciativa como "un xesto simbólico cunha razón importantísima como é a de frear o cambio climático". Rey lembrou que o Concello da Coruña loita a diario, "poñendo en marcha políticas sustentables", para reducir as emisións contaminantes na cidade.

A Hora do Planeta naceu hai máis dunha década en Sidney, en 2007, propoñendo o sinxelo xesto de apagar as luces de fogares, negocios, edificios e monumentos emblemáticos durante unha hora. Hoxe, forman parte do movemento de defensa da natureza miles de cidades de 188 países que suman o apagado de máis de 17.000 monumentos e edificios icónicos, e que se unen á cidadanía, empresas, concellos e institucións para, entre todos, mudar o cambio climático.

Consumo de auga

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión