O Concello da Coruña conta co Proxecto de acondicionamento ambiental do Río de Quintas no barrio de Santa Gema, con data de redacción de setembro de 2016, e importe de execución, IVE incluído, de 169.172,92€. Co obxecto de promover a participación pública e recoller a opinión da veciñanza, asociacións e outras entidades, quere someterse o citado proxecto a consulta pública.

O prazo de duración da consulta será de 15 días hábiles, a contar dende o día seguinte ao da publicación deste anuncio, estendéndose ate o vindeiro 30 de setembro. As suxestións, propostas, etc. remitiranse ao enderezo electrónico medioambiente@coruna.gal. No correo electrónico deberá indicarse o nome e apelidos da persoa que realiza a presentación así como un medio de contacto, por se se considerara de interese a aclaración dalgunha cuestión.

Consulta o Proxecto na sección de Documentos e informes ambientais dentro do apartado Natureza e biodiversidade