Concello da Coruña

Concello da Coruña

Cando:

2 de decembro de 2022

O Concello promove obradoiros de cociña infantil de Nadal nos Mercados Municipais

Xa están publicadas as bases e procedemento de inscrición nos talleres. As solicitudes poderán presentarse a partir do día 9 e os talleres darán comezo o día 23

Este venres, o Concello publicou as bases e procedemento de inscrición nos obradoiros de cociña creativa infantil que terán lugar entre os días 23 e 29 de decembro nos Mercados Municipais.

Os talleres, ideados para nenas e nenos de entre 7 e 12 anos, serán dinamizados por un cociñeiro acreditado e tres monitores, que lles achegarán ás e aos máis pequenos as receitas gastronómicas propias das datas de Nadal.

A asistencia será de balde, sempre baixo inscrición previa, e a capacidade dos obradoiros estará limitada a 25 nenas e nenos por sesión. Cada nena ou neno poderá asistir a unha sesión como máximo, pero coa posibilidade de marcar dúas opcións por orde de preferencia no formulario de inscrición. O calendario é o seguinte:

  • 23 de decembro (11.00 a 13.00 horas): Mercados de Eusebio da Guarda e San Agustín.
  • 26 de decembro (11.00 a 13.00 horas): Mercados de Durmideiras e Elviña.
  • 27 de decembro (11.00 a 13.00 horas): Mercados de Monte Alto e Eusebio da Guarda.
  • 28 de decembro (11.00 a 13.00 horas): Mercado das Conchiñas e San Agustín.
  • 29 de decembro (11.00 a 13.00 horas): Mercados de Elviña e Monte Alto.

A inscrición poderá realizarse desde as 10.00 horas do vindeiro venres 9, e ata as 14.00 horas do luns 12, polas seguintes vías:

  • Correo electrónico: remitindo o formulario cuberto a info@totemgestion.com.
  • Presencialmente, nos Mercados Municipais de referencia: entregando o formulario en conserxería no horario de atención ao público.

Os formularios xa están a disposición das persoas interesadas, nos Mercados Municipais, na páxina web de Mercados e tamén a través da páxina web da empresa organizadora das actividades previstas.

As prazas serán outorgadas por estrita orde de inscrición e, posteriormente, confirmadas por correo electrónico o día 19 de decembro. Haberá, ademais, unha lista de agarda que se activará no caso de hipotéticas cancelacións ou renuncias das persoas que obteñan praza.

Documentos:

Formulario de inscrición nos Obradoiros de Cociña Infantil Nadal 2022 (282 KB)

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión