O Servizo Municipal de Mobilidade informa de que esta semana se procederán a pintar de cor vermella as prazas da zona ORA que teñen permitido estacionar un máximo dunha hora. Ata o momento, estas prazas dispoñían dunha sinalización que informaba do estacionamento máximo de 60 minutos, pero a cor que delimitaba a praza no chan era de cor azul.

Esta iniciativa ten como obxectivo principal que as persoas usuarias da zona ORA poidan diferenciar nun golpe de vista as prazas cun estacionamento máximo de dúas horas, as de cor azul, das prazas cun estacionamento máximo dunha hora, as de cor vermella. Pola súa banda, as prazas cunha duración máxima de 20 minutos xa están delimitadas coa cor laranxa no chan.

As zonas afectadas pola cor vermella, e que ata o de agora xa dispoñían dunha sinalización vertical que informaba ao respecto deste estacionamento máximo, son as contornas do Mercado de Eusebio da Guarda (praza de Lugo), Mercado de Santo Agostiño e Mercado de Santa Lucía.