Concello da Coruña

Concello da Coruña

Mobilidade na Coruña 2020

O Concelleiro de Urbanismo, Vivenda, Infraestruturas e Mobilidade, Juan Díaz Villoslada, presentou os principais datos da circulación durante o ano 2020

Tamén enumerou as principais intervencións de mobilidade levadas a cabo como consecuencia das medidas para controlar a pandemia e as accións que se realizasen durante ese período.

Por último o Concelleiro de Mobilidade avanza en liñas xerais, as manifestacións de interese que se presentaron ao MITMA para os Fondos Europeos Next Generation, sobre os proxectos de Sistema Intelixente de Mobilidade (SIMoB), e da implantación dunha Zona de Baixas Emisións (ZBE), xunto coa Intermodal

CC30

Covid Mobilidade 2020

O Concelleiro cita entre outros os puntos máis destacados que a consecuencia da pandemia leváronse a cabo na cidade.

  • Ampliación de espazos públicos peonís
  • Peonalizacións das rúas
  • Seguridade no transporte público
  • Ampliación espazo terrazas, hostalería
  • Carril Runners
  • Coruña Cidade 30
  • Renovación BiciCoruña
SIMoB

SIMoB

O Sistema Intelixente de Mobilidade da Coruña (SIMoB) é un proxecto integrador e global que pretende abarcar todos os procesos necesarios para xestionar, impulsar e acelerar a transición cara á necesaria mobilidade segura, sustentable e saudable inherente á instauración da Cidade 30 como marco urbano no que se poidan cumprir os obxectivos de desenvolvemento sustentable.

Os proxectos inseridos no SIMoB comparten un enfoque sistémico coherente e esténdense desde a eliminación do cable como elemento comunicador ata o cambio de prisma da formación viaria. Formación e información á cidadanía imprescindible para poder establecer con seguridade o uso equitativo do espazo público para o desprazamento de todas as persoas garantindo a libre elección individual dos modos en que se faga tal e como se recolle na nova pirámide da mobilidade.

A dixitalización dos sistemas de xestión de tráfico e a aplicación das últimas tecnoloxías permitirá que a mobilidade das persoas e as mercadorías desenvólvanse de forma eficiente. A utilización de intelixencia artificial, big data, IoT e drones unido ao uso de datos abertos configura unha mobilidade conectada na que se garantirá un sistema áxil de resposta ante incidencias e cambios na circulación. Así mesmo facilitase os servizos de mobilidade, ou a mobilidade como servizo, aos cidadáns permitindo a inclusión de todas as persoas e todas as modalidades de desprazamento.

No SIMoB inclúense os seguintes proxectos:

  1. Construcións de ciberinfraestructuras de última xeración
  • Centro Integral da Mobilidade (CIMoB)
  • Fibra óptica e reguladores
  1. Sistema ITS en túneles nivel 2
  2. Xestión intelixente e automatizada da circulación coa utilización de visión artificial e drones
  3. Sistema cooperativo C-ITS compatible con plataforma C- Roads integrando unha plataforma MaaS
  4. Dixitalización da loxística da última milla
  • Dixitalización da cadea loxística
  • Sistema de xestión dixital de reservas e ocupacións na vía pública
  1. Plan integral de control dixitalizado de infraccións de mobilidade
  2. Plan de formación e comunicación viaria para a mobilidade de cidade 30
  • As novas tecnoloxías para a circulación

Zona de Baixas Emisións

Establecemento de Zona de Baixas Emisións (ZBE).

A Directiva Europea sobre a calidade do aire esixe que os Estados membros definan zonas de control da calidade do aire dentro do seu territorio. Isto é de particular interese en España onde o 93% da poboación respira un aire que excede os niveis considerados como perigosos para a saúde e, especialmente, en aglomeracións urbanas e os accesos ás mesmas, nas que o 60% de contaminantes proceden da combustión do tráfico. Á pobre calidade do aire hai que engadir os problemas do ruído.

Todo isto leva consigo novas esixencias no ámbito urbano que se concretizan, entre outros instrumentos, no Plan European Green Deal e os Plans Locais de Calidade do Aire, obrigatorios para os municipios de máis de 50.000 habitantes a partir do 2023.

Preténdese dispoñer dunha plataforma transversal de xestión dinámica que permita establecer un modelo preventivo de intervención baseado na toma de decisións establecidas mediante a integración de datos, tanto directos como prognosticados e modelados, así como unha xestión dinámica do tráfico tendente a garantir a calidade do aire.

O proxecto

Aborda o desenvolvemento e implementación das zonas de baixas emisións e o resto de medidas de planificación da mobilidade sustentable no municipio desde o coñecemento do impacto na calidade do aire xerada polas fontes móbiles de contaminación atmosférica.

Implementaranse

As últimas tecnoloxías de monitoraxe e aplicación de modelos matemáticos de microescala (Street canyon) para dispoñer dun diagnóstico co que realizar a avaliación obxectiva e cuantificar a efectividade das medidas para implementar.

Co coñecemento detallado sobre o impacto na calidade do aire e a avaliación dos distintos escenarios de mobilidade mediante o emprego dun modelo microscópico de simulación de fluxos de tráfico, proponse o despregamento de redes de seguimento e monitoraxe da calidade do aire, que acompañarán á implantación das medidas para avaliar a súa eficacia.

O deseño, configuración e implantación da zona de baixa de emisións, o despregamento dos sistemas de control, comunicacións, sistemas de información ao usuario e os sistemas dixitais para o control, recoñecemento de matrículas e propostas de incumprimento completarán a parte de xestión de tráfico.

Este proxecto complétase coa inclusión dos sistemas de monitoraxe de calidade do aire e ruído e o despregamento de modelos de dispersión de contaminantes que achegarán os prognósticos para a activación de escenario dos plans anticontaminación, adiantándose á toma de decisións, e o coñecemento detallado da situación na cidade para a activación de medidas variables de mobilidade.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión