Con motivo das obras de demolición do viaduto da rolda de Nelle coa avda. de Fisterra, durante a primeira fase dos traballos que se realizarán entre os días 22 e 25 de febreiro, ambos incluídos, veranse afectadas as liñas 6-6A-22 no sentido de saída da cidade, e 6-6A-20 en sentido de entrada.

Como consecuencia, en sentido saída as liñas 6-6A-22 desde a avda. de Fisterra, 84 circularán polo Paseo das Pontes e Paseo de Rolda ata a glorieta de rolda de Nelle con Vila de Negreira, continuando por rolda de Nelle e desviaranse por Agra do Orzán ata a rolda de Outeiro, onde a liña 22 recupera o seu itinerario habitual e as 6-6A na avda. de Fisterra.

En sentido de entrada á cidade (praza de Pontevedra), as liñas 6-6A-20, desde a glorieta de rolda de Outeiro coa avda. de Fisterra, circularán por rolda de Outeiro, Vila de Negreira, Paseo de Rolda e Paseo das Pontes para enlazar na avda. de Fisterra co seu itinerario habitual.

Tamén desde o día 22 de febreiro e ata que a evolución das obras permita recuperar o itinerario habitual, a liña 12 en sentido cara a Catro Camiños desviarase desde a rolda de Nelle por Agra do Orzán, rolda de Outeiro e avda. de Arteixo, recuperando en rolda de Nelle (Centro de Formación ABANCA) o seu itinerario habitual.

En sentido de circulación cara aos Rosales, desde a rolda de Nelle (Centro de Formación ABANCA) desviarase pola avda. de Arteixo, rolda de Outeiro, Vila de Negreira e rolda de Nelle/Gregorio Hernández, onde se reincorporará ao seu itinerario habitual.

En todos os casos faranse as paradas existentes nos itinerarios alternativos, coa excepción da liña 12, que non parará na rolda de Outeiro, Vioño pola dificultade que leva xirar cara á avda. de Arteixo sentido Ronda de Nelle.

Pedimos desculpas polas molestias.