14 de febreiro de 2019
A Deputación da Coruña ven de convocar a terceira edición do Premio Provincial á Mellor Iniciativa Empresarial (PEL-EPR PREMIO), un galardón incluído entre as accións de incentivos á calidade e á innovación da idea empresarial do Plan de Emprego Local (PEL)
Con este premio, se pretende recoñecer e promocionar o traballo realizado polas pequenas e medianas empresas, microempresas, autónomos/as, concellos e asociacións empresariais da provincia da Coruña, así como contribuír ao crecemento e desenvolvemento das mesmas. Se concederán un total de cinco galardóns por un importe total de 75.000 euros outorgándose 15.000 euros a cada unha das seguintes categorías:
1ª CATEGORÍA: Premio á mellor iniciativa empresarial nova.
Para pequenas e medianas empresas, microempresas e autónomos/as cuxa data de constitución (inscrición no rexistro público correspondente) e data de alta censual teñan una antigüidade máxima dun ano.
2ª CATEGORÍA: Premio á mellor iniciativa empresarial consolidada.
Para pequenas e medianas empresas, microempresas e autónomos/as cuxa data de constitución (inscrición no rexistro público correspondente) e data de alta censual teñan una antigüidade mínima de 5 anos.
3ª CATEGORÍA: Premio á mellor iniciativa empresarial xeradora de emprego.
Para pequenas e medianas empresas, microempresas e autónomos/as que contribúan á creación de emprego e, consecuentemente, ao desenvolvemento socioeconómico e a fixación da poboación.
Categoría dirixida aos concellos
4ª CATEGORÍA: Premio ao concello promotor do emprego de calidade.
Para concellos de menos de 20.000 habitantes da provincia que impulsen a iniciativa empresarial e o emprendemento, promovan a xeración de emprego de calidade e contribúan á fixación da poboación.
Categoría dirixida ás asociacións empresariais
5ª CATEGORÍA: Premio á mellor asociación empresarial.
Para asociacións, agrupacións, federacións e confederacións de empresarios/as da provincia da Coruña.
A participación só poderá realizarse mediante a presentación telemática da documentación, a través da plataforma Subtel.
O prazo de presentación de candidaturas permanecerá aberto desde hoxe ata o 28 de febreiro de 2019 ás 14.00 horas e o fallo se dará a coñecer durante o primeiro semestre de 2019.
Pode consultar as bases e a convocatoria publicadas no BOP, así como descargar os anexos a presentar, na plataforma Subtel e na páxina web do Premio provincial á mellor iniciativa empresarial: https://emprego.dacoruna.gal/lineas/lina-2-pel-emprende/premio-provincial-mellor-iniciativa-empresarial/
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible