Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Participación e Innovación Democrática

Cuándo:

16 de enero de 2019

O Concello abre o prazo de presentación de propostas que poderán conformar a nova edición do programa de lecer Nocturnia

Asociación, colectivos informais, entidades e público en xeral poden enviar até o vindeiro 24 de xaneiro os seus proxectos, que deberán estar vinculados ao ámbito deportivo, cultural, formativo ou recreativo

A Concellería de Participación e Innovación Democrática vén de abrir o prazo de recepción de propostas de actividades que poderán conformar a nova edición do programa de lecer para a mocidade Nocturnia e que se desenvolverá entre os meses de febreiro a xullo. A iniciativa, tal e como apunta a edil Claudia Delso, responde ao interese municipal de facilitar a implicación de asociacións, colectivos informais, entidades e público en xeral "nun proxecto global de participación xuvenil" a través do deseño dunha programación aberta á mocidade "e que pretende reflectir a propia pluralidade e diversidade da cidade".

Deste xeito, até o 24 de xaneiro, a veciñanza poderá achegar ao Servizo Municipal de Mocidade, a través do correo nocturniacoruna@gmail.com, as súas propostas vinculadas aos catro eixos nos que se desenvolve o programa, como son o ámbito físico-deportivo, o artístico-cultural, o formativo-tecnolóxico e o lúdico-recreativo. As actividades, tal e como é habitual en Nocturnia, desenvolveranse nas tardes das fins de semana e estarán abertas a mozas e mozos de entre 12 e 30 anos. De cara a a presentación de proxectos, cada propoñente deberá achegar unha descrición detallada da iniciativa, incluíndo o título e descrición da mesma, obxectivos, duración, número máximo de persoas destinatarias, necesidades técnicas e recursos materiais e outras consideracións que se deban ter en conta. Ademais, será necesario enviar un orzamento detallado da proposta --segundo o modelo que se pode descargar do web www.coruna.gal/cmix-- que inclúa datos de facturación ou o coste de realización total do proxecto, entre outros aspectos.

Para máis información sobre esta proposta de elaboración da programación de Nocturnia e da propia iniciativa municipal para a xuventude, pódese visitar o web www.coruna.gal/participacion.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?